Jehova well, daut wie am ut Leew deenen (Mat 22:37-38). De Leew fa Gott woat de Bibelschiela de Krauft jäwen sikj to endren un tru to bliewen, wan dee schwoaret derchgonen (1Jo 5:3). De Leew fa Gott woat dee bat doa brinjen, sikj deepen to loten.

Halp diene Bibelstudiums to seenen, daut Gott an leeft. Froag dee soowaut aus dit: “Waut lieet die dit von Jehova?” ooda “Woo wiest dit, daut Gott die leeft?” Halpt dee to vestonen, woo Jehova dee perseenlich biesteit (2Ch 16:9). Räd met dee doaräwa, woo Jehova veschiednet beauntwuat haft, wua du am no froagen deetst un rod dee too doaropp to achten, woo Jehova uk äare Jebäda beauntwuat. Daut moakt ons sea schaftich, wan wie seenen, woo onse Bibelschiela Jehova siene Leew späaren un woo dee am uk leewen un siene Frind sennen wellen.

KJIKJ DAUT VIDEO HALP DIENE BIBELSCHIELA, DAUT DEE FRIND WOAREN MET JEHOVA, UN DAN BEAUNTWUAT DISE FROAGEN:

• Waut fa eene Schwierichkjeit haud Jade?

• Woo holp Neeta Jade?

• Woo kunn Jade met dise Schwierichkjeit foadich woaren?