Bloos dee, waut een reinet Läwen fieren, kjennen goode Frind sennen met Jehova (1Pe 1:14-16). Wan de Bibelschiela orreine Jewanheiten tochloten, dan kaun daut uk goot sennen fa dee äare Famielje, de Jesuntheit un fa daut tietelje.

Laj daut ut, waut Jehova fa rajcht un orrajcht talt un waut de Grunt doafäa es un woo ons siene Jebooten togood komen. Wan wie de Bibelschiela halpen äa denkjen to endren, dan woaren dee aul selfst daut doonen, waut Jehova haben well (Ef 4:22-24). Halp dee to vestonen, daut see met Jehova siene Help schlajchte Jewanheiten tochloten kjennen, waut see aul lang jehaut haben (Flp 4:13, NW). Lia dee, Jehova no Help to froagen, wan dee vesocht woaren, waut orrajchtet to doonen. Halp dee, soone Loagen utem Stich to gonen, wua an daut schwoa sennen kunn, nich waut orrajchtet to doonen. Rod dee too, daut see waut doonen, waut goot fa an es, enne Städ waut orrajchtet. Du woascht väl Freid haben, wan du sitst, woo de Bibelschiela met Jehova siene Help äa Läwen endren.

KJIKJ DAUT VIDEO HALP DIENE BIBELSCHIELA, DAUT DEE ORREINE JEWANHEITEN TOCHLOTEN, UN DAN BEAUNTWUAT DISE FROAGEN:

• Woo weesen de Eltestasch un Neeta, daut see opp Jade vetruden?

• Woo deed Neeta Jade wieda halpen?

• Waut deed Jade, daut Jehova ar holp?