Een Frint es “eena, waut dän aundren sea jleicht ooda schazt”. Toom Biespel worden Jonatan un David besonda goode Frind, nodäm daut David Goliat dootjemoakt haud (1Sa 18:1). Beid hauden Ieejenschoften, waut de aundra väl räakjend. Jeweenlich woat eena met soone goode Frind, waut eena fein kjant. Om wäm kjanen to lieren, mott eena sikj Tiet nämen un aunstrenjen. Oba em Internet brukt eena bloos opp eenen Knups drekjen un dan haft eena aul soo to sajen Frind. Em Internet kjennen de Menschen sikj daut krakjt utläsen, waut see doa nenschriewen, un soo kjennen dee aundre leichta teischen, wäa see en Werkjlichkjeit sent. Doawäajen mott wie ons goot äwalajen, met wäm wie em Internet Frind sent. Waut, wan doa wäa met die well äwa Internet Frind sennen, dän du nich goot kjanst? Dan hab nich Angst, daut auftosajen ooda nich auntonämen, wan dee uk beleidicht es. Eenje sent sikj eenich jeworden, verheipts nich Frind em Internet to haben, wäajen daut jefäadlich sennen kaun. Fa waut saul eena oppaussen, wan eena Frind em Internet haft?

KJIKJ DAUT VIDEO HAST FRIND EM INTERNET, NEMM DIEN VESTAUNT UK MET, UN DAN BEAUNTWUAT DISE FROAGEN:

• Äwa waut saul eena nodenkjen, ea eena waut em Internet nenschrift ooda Bilda nendeit?

• Wuarom saul eena oppaussen, waut fa Frind eena em Internet haft?

• Wuarom saul eena nich too väl Tiet met Frind em Internet vebrinjen? (Ef 5:15-16).