Wie haben vea Videos fa Bibelstudiums, waut wie em Deenst brucken kjennen. To waut es jieda eent von dee jemoakt worden?

• Wuarom loont sikj daut, de Bibel studieren? (Daut lange) Dit Video wort jemoakt, om Menschen von aule Gloowes to halpen, sikj fa de Schreft to intressieren. Dit Video deit dee tooroden, daut dee en de Bibel no de Auntwuaten sieekjen opp de wichtje Froagen, waut dee haben, un wiest dee een bät, waut fa goode Auntwuaten dee doa finjen kjennen. Doa woat uk jesajcht, woo dee no een Bibelstudium froagen kjennen.

• Wuarom loont sikj daut, de Bibel studieren? (Daut korte) Dit Video es sea soo aus daut lange, oba daut dieet bloos een Dreddel soo lang. Daut kaun bäta sennen en soone Jäajenden, wua de Menschen sea bosich sent.

• Woo schauft een Bibelstudium met Jehova siene Zeijen? Dit Video wort jemoakt, daut dee sikj fa een Bibelstudium intressieren, waut emsonst es, un doa woaren uk eenje Froagen beauntwuat, waut foaken jefroacht woaren, un jewäsen, woo dee no een Bibelstudium froagen kjennen.

• Frei die toom de Schreft studieren Dit Video wort jemoakt toom dän Bibelschiela daut wiesen. Daut Video es opp de tweede Sied von daut Buak Een scheenet Läwen fa emma!, oba daut kaun uk aul jewäsen woaren, wan daut Läwen-fa-emma-Heft studieet woat. Daut Video rät doavon, waut en daut Buak aules bennen es un waut de Bibelschiela bie sien Studium aules lieren woat.

Wan jieda Video uk uzhent fa eene bestemde Sach jemoakt es, kjenn wie daut oba emma wiesen ooda wäm schekjen, wan daut paussent es. De Vekjindja woat toojerot, daut dee de Videos goot kjanen un dee em Deenst fein brucken.