1.-7. Aprell
PSALM 23-25
Leet 4 un Jebäd | Aunfangswieed (1 Min.)
1. “De HAR es mien Hoad”
(10 Min.)
Jehowa leit un beschizt ons (Ps 23:1-4; w22.01 3-4 V. 5-6).
Jehowa jeft ons to äten (Ps 23:5; w11-X 1. 5. 31 V. 5).
Jehowa sorcht soo fa siene Deena, aus een leeftolja Hoad fa siene Schop sorcht.
DENKJ MOL ÄWA NO: “Woo haft Jehowa aul fa mie perseenlich jesorcht?”
2. No wieetvollet sieekjen
(10 Min.)
Ps 23:3 – Waut sent de “jerajchte Wäaj” un waut woat ons halpen, dee nich to veloten? (w11-X 15. 2. 24 V. 1-3).
Waut fa wieetvollet hast du noch en daut Bibelläsen fa dise Wäakj jefungen?
3. Bibelläsunk
(4 Min.) Ps 23:1 – 24:10 (th Poat 5)
4. Eene Vetal aunfangen
(3 Min.) OPP JELÄAJENHEIT PRÄDJEN. Wies eene Persoon eenen Bibelvarsch, waut die jroz jesajcht haft, daut dee sikj Sorjen moakt äwa de Natua (lmd 2. Kap. Num. 5).
5. Goode Wadabesuchs moaken
(4 Min.) VON HUS TO HUS PRÄDJEN. Wies eene Persoon, woo een Bibelstudium schauft, waut daut Läwen-fa-emma-Heft jenomen haft (lmd 9. Kap. Num. 3).
6. De Menschen to Jinja moaken
(5 Min.) lff 14. Kap. Num. 4 (lmd 11. Kap. Num. 3)
Leet 54
7. Wie wiesen de framde Stemmen auf
(15 Min.) Eene Räd met waut Froagen.
De werkjelje Schop kjanen de Stemm von äaren Hoad un gonen am hinjaraun. Oba von eene framde Stemm, waut dee nich kjanen, ranen dee wajch (Joh 10:5). Krakjt soo horcht wie no onse jeistelje Schophoads – Jehowa un Jesus – waut leeftolich un opp to vetruen sent (Ps 23:1; Joh 10:11). Oba wie wiesen de framde Stemmen auf, waut onsen Gloowen wellen schwak moaken derch äare “glaute Räden” (2Pe 2:1, 3).
En 1. Mose, Kapitel 3 rät daut daut ieeschte mol von eene framde Stemm. De Soton räd to Eva derch eene Schlang, soo daut see nich krakjt wist, wäa to ar räd. De Soton stald sikj aus een Frint han un vetald Läajes doaräwa, waut Jehowa jesajcht un jedonen haud. Daut es truarich, oba Eva horcht no dän un see brocht väl Lieden opp sikj selfst un opp äare Famielje.
Vondoag dän Dach well de Soton, daut wie aun Jehowa un siene Organisazion twiewlen sellen. Daut prooft dee derch faulsche Norechten un Läajes. Wan wie eene framde Stemm hieren, dan sell wie von doa wajchranen! Wan wie uk bloos een kjlienet bät no soont horchen wudden, es daut aul jefäadlich. Woo väl Wieed brukt de Soton en de korte Unjahoolunk, om Eva to veleiden? (1Mo 3:1, 4-5). Oba waut, wan een Bekaunda – ooda soogoa eena, waut die leeft un daut goot meent – die eene faulsche Norecht wiesen well äwa Jehowa siene Organisazion?
Wies daut VIDEO Horch nich no de Framde äare Stemmen, dan froag de Toohiera:
Waut kaust du von Jade lieren, aus äare Mame, waut nich eent von Jehowa siene Zeijen wia, ar faulsche Norechten äwa onse Organisazion wiesen wull?
8. Bibelstudium von de Vesaumlunk
(30 Min.) bt-X 8. Kap. V. 1-4, Hockasch oppe S. 61-62.
