WUAROM DAUT JEDONEN SAUL: Äwa Fon prädjen es wichtich, wiels daut es eene Wajch, om “jrintlich Zeichnis to jäwen von de goode Norecht” (Apj 20:24, NW) *. Soo kjenn wie doawäajen prädjen, wan daut wäajen de Omstend nich mäajlich es, doa perseenlich hantowanken.

WOO EENA DAUT DOONEN KAUN:

• Moak die reed. Wäl die een paussendet Teema ut. Dan moak die eene Noot met daut, waut du sajen west. Äwalaj die uk, waut du sajen kaust, wan die met eenst bloos de Komputa-Stemm auntwuat un du doa waut noppräden kaust. Un daut es goot, aum Desch to setten, met diene Noot un de aundre Sachen, waut die woaren fälen. Hab biejlikj dien Fon ooda Tablet reed, wua JW Library^® ooda jw.org^® aul op es.

• Sie ruich. Räd gaunz jeweenlich. Kjikj schaftich un bewäaj die krakjt soo, aus wan deejanja die seenen wudd. Sie uk nich too lang en eent stell. Daut es leichta, wan wie met aundre toop äwa Fon Zeichnis jäwen. Wan dee, dän du fonst, die eene Froag stalt, dan wadahol dee opp ludes, soo daut dien Deenstpoatna die halpen kaun, de Auntwuat to sieekjen.

• Schauf bie de Unjahoolunk doaropp, daut du lota eenen Wadabesuch moaken kaust. Wan wäa intressieet es, kaust du eene Froag stalen, waut du daut näakjste Mol, wan du fonst, beauntwuaten kaust. Du wurscht uk kjennen dänjanjen aunbeeden, eent von onse Bieekja ooda Hefta äwa E-Mail ooda Post to schekjen ooda daut selfst doa hantobrinjen. Du kust dän uk aunbeeden, eent von onse Videos ooda Artikjels äwa E-Mail ooda Fon perseenlich to schekjen. Wan daut paussent es, kaust du dänjanjen uk von onse Bibelklaussen em Internet vetalen ooda von irjent sestwaut, waut opp onse Websied es.