Ons Prädichtwoakj es sea wichtich, wiels de groote Triebsaul noda kjemt (Spr 24:11-12, 20). Wie kjennen de JW.ORG-Koatjes brucken toom de Menschen halpen, daut dee sikj kjennen met Gott sien Wuat aufjäwen un uk met onse Websied. Opp jieda Koatje es een QR-Code, waut eenem no daut Video brinjt Wuarom loont sikj daut, de Bibel studieren?. Doa es uk aunjejäft, wua eena sieekjen kaun, wan eena mea weeten well ooda no een Bibelstudium froagen well. Eenje Menschen wellen nich Bieekja aunnämen, oba kjikjen wellich mol opp onse Websied nopp. Dan sull eena sikj nich trigjhoolen, dee een Koatje to jäwen. Oba wie wellen de Koatjes nich eefach wäm jäwen, wan dee nuscht weeten well.

Wan eena bie de Oabeit ooda sestwua wäm traft, kaun eena dän nieschierich moaken un sajen: “Ekj wudd junt waut jleichen to jäwen. Met dit Koatje kjemt eena no eene Websied, wua eena emsonst Videos seenen kaun un uk noch veschiedenstet mea” (Joh 4:7). Dise Koatjes sent kjlien. Doawäajen wudd eena goot kjennen emma eenje von dee methaben toom aundre dee jäwen.