Jesus muak de goode Norecht “von Gott sien Rikj” bekaunt (Luk 4:43). Hee lieed de Menschen uk, fa dit Kjennichrikj to bäden (Mat 6:9-10). En Nowamba woa wia ons besonda aunstrenjen, Gott sien Kjennichrikj bekaunttomoaken (Mat 24:14). Recht die daut soo en, daut du kaust soo väl aus mäajlich bie dit besondre Prädichtwoakj metmoaken. Aul dee, waut Pioniahelpa sent, kjennen utwälen, aus dee 30 ooda 50 Stund en dise Moonat prädjen wellen.

Räd met soo väl Menschen aus mäajlich äwa eenen Bibelvarsch, waut von Gott sien Kjennichrikj rät. Wan du die eenen Bibelvarsch utläst, dan denkj uk doaraun, waut fa eenen Gloowen deejanje haben, dee du prädjen woascht. Wan doa wäa bie de ieeschte Vetal intressieet es, dan jeff dänjanjen dän Woaktorm (Utgow fa aulemaun) Num. 2 2020. Wank doa soo schwind aus mäajlich wada han un proow een Bibelstudium auntofangen met een Buak ooda Heft von ons Jereetschoft fa dän Deenst. Doa es aul mau weinich Tiet, bat Gott sien Kjennichrikj woat aul de Rejierungen venichten, waut jäajen daut Kjennichrikj sent (Da 2:44; 1Ko 15:24-25). Doawäajen well wie dise besondre Jeläajenheit utnutzen un wiesen, daut wie Jehova un sien Kjennichrikj gaunz unjastetten!