Jehova siene Zeijen haben een besondret Väarajcht. Aus Christen, dee Jehova hanjejäft un jedeept sent, schauf wie wieda doaraun, een enjet Veheltnis met Jehova, dän hechsten Harscha, to haben. Hee trock ons no sikj derch sienen Sän (Joh 6:44). Hee horcht no onse Jebäda (Ps 34:16).

Woo kjenn wie ons wieetvollet Veheltnis met Gott bewoaren? Eent es, nich deeselwje Sind to begonen, waut de Israeliten bejinjen. Boolt nodäm aus see hauden eenen Bunt met Jehova jemoakt, muaken see een goldnet Kaulf un dreewen Aufjettarie (2Mo 32:7-8; 1Ko 10:7, 11, 14). Wie kjennen mol äwa nodenkjen: Waut doo ekj, wan ekj en Vesieekjunk kom? Wiesen miene Woakjen, daut ekj mien Veheltnis met Jehova schaz? Väl Leew fa onsen himlischen Voda to haben woat ons halpen, von soont wajchtoranen, waut hee haust (Ps 97:10).

KJIKJ DAUT VIDEO BEWOA DIEN VEHELTNIS MET JEHOVA (Kol 3:5), UN DAN BEAUNTWUAT DISE FROAGEN:

• Waut meent daut, sikj nich waut jankren to loten?

• Wuarom sell wie daut meiden, bejierich to sennen un Aufjettarie to driewen?

• Woo sent Ehebruch un Aufjettarie vebungen?

• Wuarom motten besonda soone, waut Veauntwuatunk en de Organisazion haben, doarom bekjemmat sennen, waut äaren Ehepoatna fält?