Too väl räden: Denkj nich, daut du aules utlajen motst. Jesus stald de Menschen Froagen, daut dee nodochten un vestunden (Mat 17:24-27). De Froagen halpen, daut daut Studium läwendja es, un eena kaun enwoaren, aus deejanja daut vestonen kaun un jleeft (be-X 253 V. 3-4). Wan du eene Froag stalst, dan sie jeduldich un wacht, bat deejanja auntwuat. Wan daut nich de rajchte Auntwuat es, dan bruck aundre Froagen, daut dee daut vestonen kaun, enne Städ dän de rajchte Auntwuat bloos to sajen (be-X 238 V. 1-2). Wan jie waut derchgonen, waut fa dänjanjen nie es, dan doo daut nich too bosich, soo daut dee daut bejriepen kaun (be-X 230 V. 4).

Too väl Eenselheiten utlajen: Du brukst nich von aules räden, waut du von daut Teema weetst (Joh 16:12). Bliew bie de Hauptsach von de Varzh (be-X 226 V. 4-5). Deejanja woat de Hauptsach veleicht nich soo kloa vestonen, wan du doa too väl Eenselheiten met ennemst, endoont aus daut intressaunt es (be-X 235 V. 3). Wan dänjanjen de Hauptsach von eenen Varsch ieescht kloa es, dan go no dän näakjsten.

Bloos seenen, välet derchtogonen: Wie wellen de Menschen to Hoaten räden, nich bloos Varzh derchgonen (Luk 24:32). Bruck de Macht von Gott sien Wuat doaderch, daut du de wichtichste Bibelvarzh von jieda Poat kloa moakst (2Ko 10:4; Heb 4:12; be-X 144 V. 1-3). Bruck eefache Jlikjnisen (be-X 245 V. 2-4). Finj ut, met waut de Persoon to kjamfen haft un waut dee jleeft; dan pauss daut Studium doano aun. Du kust biejlikj froagen: “Waut helst du doavon, waut du hia lieescht?” “Waut lieet ons dit von Jehova?” “Waut jleefst du, waut fa goodet kunn daut brinjen, dit notokomen?” (be-X 238 V. 3-5; 259 V. 2).