WUAROM DAUT JEDONEN SAUL: Jieda Wäakj kjenn wie en onse Toopkomes fa Jehova sinjen un am lowen (Ps 149:1). Doa lia wie uk, Gott sienen Wellen to doonen (Ps 143:10). Wan de Intressieede un de Bibelstudiums ieescht no de Toopkomes komen, dan komen dee jeweenlich bosja veraun.

WOO EENA DAUT DOONEN KAUN:

• Lod dänjanjen soo schwind aus mäajlich en. Daut es nich needich to wachten, bat dee ieescht de Bibel studieet (Opb 22:17)

• Saj dänjanjen, woo daut en de Toopkomes es un waut doa daut näakjste Mol derchjenomen woat. Dit kaun die eene Help sennen: de Enlodunk fa de Toopkomes, daut Video Woo es daut en de Vesaumlungshiesa von Jehova siene Zeijen? un daut 5. un 7. Kapitel von daut Jehova-sien-Wellen-Heft

• Beed dän Help aun. Brukt de Persoon Help toom doa hankomen ooda toom seenen, woo dee sikj kjleeden kaun? Sett en de Toopkomes met dän toop un lot dän bie diene Bieekja metkjikjen. See doano, daut dee uk aundre von de Vesaumlunk kjanen lieet