Wan doa een Kjint rutkjemt, dan sull wie froagen, aus wie nich kunnen met de Elren räden. Soo wies wie, daut wie dee achten (Spr 6:20). Wan daut Kjint ons nenkroacht, dan sull wie nich nengonen. Wan de Elren doa nich sent, dan sull wie opp aundatsmol komen.

Wan doa een Jugentlicha rutkjemt, veleicht soo bie 15 bat 19 Joa, wia daut doawäajen goot, no de Elren to froagen. Un wan dee doa nich sent, kjenn wie froagen, aus de Elren daut wudd endoont sennen, wan dee waut toom läsen neem. Dan kunn wie dän waut aunbeeden un dän veleicht met de Websied jw.org bekauntmoaken.

Wan wie bie eenen Jugentlichen eenen Wadabesuch moaken, waut intressieet es, dan sull wie froagen, aus wie nich kunnen met de Elren räden. Soo kjenn wie dee daut sajen, no waut wie komen, un dee dän biblischen Rot fa de Famielje wiesen, wua werkjlich opp to veloten es (Ps 119:86, 138). Daut es een goodet Zeichnis, wan wie de Elren achten un dee doa met entalen. Soo kjenn wie veleicht noch foakna met de Famielje äwa de goode Norecht räden (1Pe 2:12).