Jesus kunn eene samaritische Fru opp Jeläajenheit Zeichnis jäwen, wiels hee met dee eene Vetal aunfunk. Woo kjenn wie ons vebätren, wan wie met Framde eene Vetal aunfangen?

• Sie leeftolich un räd met de Menschen. Jesus fruach no eenen Drinkj Wota, un soo funk hee eene Vetal aun, uk wan hee meed wia. Du kaust dänjanjen leeftolich bejreessen un dan veleicht von daut Wada räden ooda von sestwaut. Denkj doaraun: Ieeschtlich jeit daut doarom, daut eena aunfangen kaun to vetalen. Doawäajen kaust du von soont räden, waut dän Mensch kunn intressieren. Wan dee nich well, dan haft je eena uk nuscht vespält. Proow daut wada bie aundre, un froag Jehova no Moot (Ne 2:4; Apj 4:29).

• Sieekj no eene Jeläajenheit, wäm de goode Norecht to brinjen, oba sie nich too oppjespiet. See doano, daut et eene aunjenäme Unjahoolunk es. Wan du too aunhoolent best, dan well de Mensch veleicht nich mea vetalen un dän feelt sikj daut ommaklich. Feel die nich schlajcht, wan du nich best reedjekomen toom Zeichnis jäwen. Wan die doafäa grult, met wäm von de goode Norecht to räden, dan eew daut bloos mol, met wäm aunfangen to vetalen, onen daut du dän west Zeichnis jäwen. [Wies daut 1. Video un räd doaräwa.]

• Proow daut soo wiet to kjrieen, daut du kaust Zeichnis jäwen, doaderch daut du von Hoaten von dienen Gloowen rätst. Daut woat dänjanjen nieschierich moaken un veleicht fangt dee aun to froagen. Jesus säd waut besondret, un daut brocht de Fru bat doa, daut dee Froagen stald. Aus Jesus dan aunfunk von de goode Norecht to räden, durf hee aul mau bloos noch äare Froagen beauntwuaten. [Wies daut 2. Video un räd doaräwa un dan doo daut met daut 3. Video uk soo.]