Jehova jeft ons Help derch onse Breeda un Sestren (1Pe 5:9). Dee kjennen ons halpen, wan wie em Deenst Schwierichkjeiten haben. Dän Apostel Paulus kjeem daut uk togood, daut Aquilla un Priszilla, Silas, Timotäus un aundre am holpen (Apj 18:1-5).

Woo kjennen diene Gloowesbreeda die em Deenst halpen? Dee kjennen die Rot jäwen, waut du doonen kaust, wan de Huswieet jäajen die rät, woo du Wadabesuchs moaken kaust ooda woo du wäm een Bibelstudium aunbeeden kaust un daut derchfieren. Es doa wäa en de Vesaumlunk, dee die en jewesse Stekjen wudd halpen kjennen? Dan froag dän doano. Daut woat junt beid toom gooden sennen un jie woaren doa beid Freid aun haben (Flp 1:25).

KJIKJ DAUT VIDEO FINJ UT, WOO SCHEEN DAUT JEIT, JINJA TO MOAKEN – LOT DIE VON JEHOVA HALPEN – DERCH DE BREEDA, UN DAN BEAUNTWUAT DISE FROAGEN:

• Woo proowd Neeta Jade daut entojankren, no een Toopkomen to komen?

• Wuarom sell wie aundre Vekjindja metnämen no ons Bibelstudium?

• Waut wia daut, waut Jade un Abigay beid jleichten?

• Waut kunnen diene Gloowesbreeda die fa dän Deenst lieren?