Sent wie nich schaftich, daut wie een nieet Heft un een nieet Buak haben toom met aundre de Bibel studieren? Wie bäden Jehova, daut hee ons halpt, doaderch noch väl mea Jinja to moaken (Mat 28:18-20; 1Ko 3:6-9). Woo kjenn wie dise niee Sachen brucken?

Een Bibelstudium met daut Läwen-fa-emma-Heft ooda -Buak schauft gaunz aundasch, aus woo wie daut ea jedonen haben. Woo sell wie ons nu fa een Bibelstudium reedmoaken un daut leiden? *

• Läs daut Kapitel un räd äwa de Froagen.

• Läs de Läs-Varzhen un halp dän Bibelschiela, dee to vestonen.

• Wies dän de Videos un räd met dän toop doaräwa un bruck doatoo de Froagen, waut doa aunjejäft sent.

• Proow jiedatsmol een Kapitel met dän toop derchtogonen.

Wan wie em Deenst sent, dan kjenn wie ieescht mol daut Heft brucken toom seenen, woo sea de Mensch intressieet es. (See dän Kausten “ Bie de ieeschte Vetal daut Läwen-fa-emma-Heft aunbeeden”.) Wan du daut Heft met dän derchstudieet hast un dee noch wiedamoaken well, dan jeff dän daut Buak un fang bie daut 4. Kapitel aun. Wan du aul met wäm daut Schreft-lieet-Buak ooda “Gott-siene-Leew”-Buak studieescht, dan kaust du von nu aun daut Läwen-fa-emma-Buak brucken un kaust doaräwa nodenkjen, bie woon Kapitel du wiedamoaken west.

KJIKJ DAUT VIDEO FREI DIE TOOM DE SCHREFT STUDIEREN!, UN DAN BEAUNTWUAT DISE FROAGEN:

• Waut woaren de Bibelstudiums ut dit niee Buak lieren?

• Wuarom sell wie de niee Bibelstudiums dit Video wiesen?

• Wie sellen dän Bibelschiela tooroden, sikj eent no daut aundre väatonämen un daut uk notokomen. Waut wudd daut biejlikj sennen? (See dän Kausten “ Om waut jieda Poat jeit un waut de Schiela doonen saul”.)