Een gooda Ehestaunt ieet Jehova un brinjt dän Maun uk de Fru Freid (Mar 10:9). Om eenen langen, scheenen Ehestaunt to haben, mott wie ons faust aun de biblische Gruntsauzen hoolen, wan wie ons eenen Poatna sieekjen.

Intressia die nich fa wäm, ea du ieescht “oolt jenuach” best, wiels de stoakje Wenschen no Sex haben, kjennen die daut schwoa moaken, weise Entscheidungen to trafen (1Ko 7:36). Nutz dien onbefriedet Läwen ut, om een jratra Frint met Gott to woaren un aun diene christelje Ieejenschoften to schaufen. Dan woascht du lota kjennen een bätra Ehepoatna sennen.

Ea du die met wäm befriest, nemm die jenuach Tiet, om dän “Mensch em Hoaten” kjanen to lieren un woo dee werkjlich es (1Pe 3:4, JHF). Wan du aunfangs to twiewlen, dan rät toop doaräwa. Soo aus bie eenem siene Frind, saul eena em Ehestaunt uk dolla doarom todoonen sennen, fa dän aundren waut to doonen, aus daut dee fa eenem saul (Flp 2:3-4). Wan du die verem befrieen aul no biblische Gruntsauzen rechst, dan woascht du eenen gooden Aunfank fa eenen scheenen Ehestaunt moaken.

KJIKJ DAUT VIDEO SIKJ FA DÄN EHESTAUNT REEDMOAKEN – POAT 3: “DE KOSTEN ÄWARÄAKJNEN”, UN DAN BEAUNTWUAT DISE FROAGEN:

• Woo jinkj daut wieda, aus de Sesta sikj met Shane kjanen lieed?

• Waut wort see en, aus see sikj ieescht wieda kjanen lieeden?

• Woo holpen de Elren ar, un waut vonne goode Entscheidunk muak see dan?