Daut Läwen en de latste Tiet es voll Trubbel. Je noda daut Weltenj kjemt, je schwanda woat daut bloos. Veleicht fält ons daut eenjemol aun tietelje Sachen (Hab 3:16-18). Waut woat ons halpen, Vetruen to hoolen, wan daut em tieteljen schwoa woat? Wie motten wieda opp onsen Gott Jehova vetruen. Hee haft vesproaken, fa siene Deena to sorjen un hee kaun ons en aule Omstend halpen (Ps 37:18-19; Heb 13:5-6).

Waut du doonen kaust:

• Pracha Jehova om Aunleidunk, Weisheit un om siene Unjastettunk (Ps 62:9)

• Sie wellich reed, soone Oabeit auntonämen, waut du noch nich ea jedonen hast (g-X 1/10 8-9, Kaustes)

• Hool die wieda em jeisteljen drock. Doa es met en, de Bibel to läsen, bie de Toopkomes to sennen un em Deenst to gonen

KJIKJ DAUT VIDEO BUT EEN HUS, WAUT BLIEWEN WOAT – “SIET TOFRÄD MET WAUT JIE HABEN”, UN DAN BEAUNTWUAT DISE FROAGEN:

• Waut vonne Schwierichkjeiten haben eenje Famieljes beläft?

• Waut es daut wichtichste em Läwen?

• Woo kjenn wie soone halpen, waut daut em tieteljen schwoa haben?