Jieda eena feelt sikj mol truarich. Daut meent nich, daut wie em jeisteljen schwak sent. Mau rajcht Jehova lat ons weeten, daut hee eenjemol truarich es (1Mo 6:​5-6). Oba waut kjenn wie doonen, wan wie ons foaken ooda emma äwamotich truarich feelen?

Bäd Jehova om Help. Jehova es sea doarom todoonen, woo ons daut ennalich jeit. Hee weet, wanea wie truarich ooda schaftich sent. Hee kaun uk vestonen, wuarom wie ons eenjemol soo truarich feelen un wuarom wie opp eene jewesse Wajch denkjen (Ps 7:10b). Daut wichtichste es, daut Jehova sikj doa uk om kjemmat un ons halpen kaun, doamet foadich to woaren, wan wie ons truarich feelen ooda mau rajcht bedrekjt feelen (Ps 34:19).

Pauss no diene Jedanken opp. Wan wie ons doljeschloagen feelen, kjenn wie onse Freid velieren, un daut kaun uk onsen Deenst fa Jehova schoden. Doawäajen wudd daut goot sennen, sea no daut Hoat opptopaussen – daut meent, woo wie ennalich sent (Spr 4:23).

KJIKJ DAUT VIDEO WOO ONSE BREEDA FRÄD SPÄAREN, WAN DEE UK NARFENKRANK SENT, UN DAN BEAUNTWUAT DISE FROAGEN:

• Waut deed Nikki, om met äare Narfenkrankheit bäta foadich to woaren?

  Diene Auntwuat

• Wuarom kjeem Nikki bat doa, bie eenen Dokta no Help to sieekjen? (Mat 9:12).

  Diene Auntwuat

• Woo wees Nikki, daut see sikj opp Jehova siene Help veleet?

  Diene Auntwuat