Oppe Aunfangssied von onse Websied sent soone Artikjels un Videos, waut uzhent fa soone Menschen sent, waut nich Jehova siene Zeijen sent (Apj 13:48). Daut jeit doa foaken om soont, waut uk enne Norechten väakjemt ooda wua de Menschen von räden ooda sikj äwa Jedanken moaken.

Woo kaust du de Aunfangssied opp jw.org em Deenst brucken?

• Kjikj foaken opp de Websied nopp. Besee die daut, wua daut sajcht, “Fa die utjeläst” un denkj doaräwa no, wäm daut em Prädichtdeenst kunn togood komen. (Om noch mea to finjen, waut korz oppe Aunfangssied wia, drekj opp “Mea wiesen”.) Wan du die pinkjlich unjasteist, waut doa fa nieet oppe Websied noppkjemt, dan woascht du emma goode Iedeeen haben em Deenst.

• Bruck de Artikjels un Videos von oppe väaschte Sied toom eene Vetal aunfangen. Dise Sachen kjennen ons halpen to vestonen, äwa waut de Menschen sikj veleicht Jedanken moaken.

• Wies de Menschen de Aunfangssied. Wies dee eenje Teemasch von doa, un woo dee sikj selfst Sachen nosieekjen kjennen.

• Schekj dee eenen Link. Eenje wellen veleicht nich met ons räden, oba dee wudden sikj jleichen, de Websied to beseenen. Hool die nich trigj, soone Menschen, waut doa intressieet sent, eenen Link to schekjen von de Aunfangssied ooda von eenen jewessen Artikjel ooda een Video, von oppe väaschte Sied.