Eent von daut baste, woo Elren äare Kjinja halpen kjennen, Gott siene Weisheit to kjrieen es, dee to halpen, woo dee eenen Nutzen von de Toopkomes haben kjennen. Daut, waut junge Menschen doa seenen, hieren un en äare Auntwuaten sajen, kaun an halpen, mea von Jehova to lieren un siene Frind to woaren (5Mo 31:​12-13). Wan du Kjinja hast, woo kaust du dee halpen, daut dee daut mieeschte von de Toopkomes lieren?

• Strenjt junt aun, emma bie de Toopkomes em Vesaumlungshus to sennen (Ps 22:23).

• Nämt junt Tiet, ver un no de Toopkomes met de Breeda un Sestren to vetalen (Heb 10:25).

• Seet doano, daut jieda eena von de Famielje dee Bieekja met haft, waut doa bie de Toopkomes jebrukt woaren – endoont aus oppem Tablet ooda opp Papia.

• Halpt jun Kjint, sikj en siene ieejne Wieed eene Auntwuat reedtomoaken (Mat 21:​15-16).

• Rät emma goot von de Toopkomes un uk von de Belierunk, waut wie doa kjrieen.

• Halpt june Kjinja, daut dee bie soone Sachen metmoaken kjennen, aus wan daut Vesaumlungshus reinjemoakt woat, ooda daut dee met de elre Breeda un Sestren vetalen.

Kjinja to halpen, Jehova noda to komen, haft väl opp sikj, un eena kaun sikj eenjemol äwafoddat feelen. Oba Jehova kaun die halpen (Jes 40:29).

KJIKJ DAUT VIDEO AUS ELREN, VETRUT OPP JEHOVA UN SIENE KRAUFT, UN DAN BEAUNTWUAT DISE FROAGEN:

• Woo jinkj Zack un Leah daut, wäajen dee soo meed wieren?

  Diene Auntwuat

• Wuarom sellen Elren bie Jehova no Krauft sieekjen?

  Diene Auntwuat

• En waut fa Stekjen weesen Zack un Leah, daut see opp Jehova siene Help vetruden?

  Diene Auntwuat