7.-13. Oktooba
PSALM 92-95
Leet 84 un Jebäd | Aunfangswieed (1 Min.)
1. Jehowa deenen es daut baste, waut wie em Läwen doonen kjennen!
(10 Min.)
Jehowa vedeent daut, daut wie am deenen (Ps 92:2, 5; w18.04 26 V. 5).
Hee halpt siene Deena, kluake Entscheidungen to moaken un doaderch schaftich to sennen (Ps 92:6; w18.11 20 V. 8).
Hee räakjent deejanje sea väl, waut am deenen, wan dee uk aul ella sent (Ps 92:13-16; w20.01 19 V. 18).
DENKJ MOL ÄWA NO: “Waut helt mie doavon auf, mie Jehowa hantojäwen un deepen to loten?”
2. No Wieetvollet sieekjen
(10 Min.)
-
Ps 92:6 – Woo beschriewen dise Wieed Jehowa siene Weisheit, un wuarom es daut paussent? (cl-X 176 V. 18)
-
Waut fa Wieetvollet hast du noch en daut Bibelläsen fa dise Wäakj jefungen?
3. Bibelläsunk
(4 Min.) Mat 27:38-54 (th Poat 5)
4. Eene Vetal aunfangen
(4 Min.) OPP JELÄAJENHEIT PRÄDJEN. Schauf doaropp, daut du de Persoon vetalen kaust, daut du met aundre de Bibel studieescht un woo du daut deist. (lmd 5. Kap. Num. 3)
5. Goode Wadabesuchs moaken
(3 Min.) OPP JELÄAJENHEIT PRÄDJEN. Beed wäm een Bibelstudium aun, waut doa nieschierich too es, waut daut ea oba aufsäd. (lmd 8. Kap. Num. 4)
6. De Menschen to Jinja moaken
(5 Min.) Räd met eenen Bibelschiela, waut em Jeisteljen nich veraunkjemt. (lmd 12. Kap. Num. 5)
Leet 5
7. Wan Jugentliche Angst un Sorjen haben
(15 Min.) Eene Räd met waut Froagen.
Soone, waut Jehowa deenen, bliewen nich veschoont fa Angst un Sorjen. David biejlikj haud mieremol Angst un Sorjen, un krakjt soo jeit väl Breeda daut vondoag dän Dach uk (Ps 13:3). Dauts schod, oba mau rajcht bie junge Menschen es daut soo. Soona, waut groote Angst un Sorjen haft, kaun mau rajcht jeweenelje Sachen too väl sennen, soo aus no de School gonen ooda no de Toopkomes foaren. Daut kaun soo wiet komen, daut dee haustich sea groote Angst kjricht un sikj nich Rot weet ooda doaräwa jrebelt, sikj daut Läwen to nämen.
Wan du aus Jugentlicha groote Angst un Sorjen hast, dan räd met diene Elren ooda met eenen erfoarnen Brooda ooda Sesta doaräwa. Vejät uk nich, Jehowa no Help to froagen (Flp 4:6). Hee woat die halpen (Ps 94:17-18; 94:19, NW; Jes 41:10). See wie mol Steing siene Erfoarunk.
Wies daut VIDEO Jehowa kjemmad sikj om mie. Dan froag de Toohiera:
• Waut von Bibelvarsch holp Steing, un wuarom?
• Woo haft Jehowa fa am jesorcht?
Elren, jie kjennen june Kjinja halpen, met groote Angst un Sorjen foadich to woaren, wan jie dee jeduldich toohorchen, dee sajen, daut jie äant leewen un dee halpen, sikj secha to feelen, daut Jehowa äant leeft (Tit 2:4; Jak 1:19). Froag Jehowa doano, daut hee die de Krauft jeft un die halpt, ruich to bliewen, soo daut du diene Kjinja halpen kaust.
Wie woaren daut veleicht nich emma weeten, daut doa wäa von de Vesaumlunk groote Angst un Sorjen haft ooda woo dee sikj feelt. Oba wie kjennen dee unjastetten, doaderch daut wie aule enne Vesaumlunk halpen, sikj maklich un jeleeft to feelen (Spr 12:25; Heb 10:24).
8. Bibelstudium von de Vesaumlunk
(30 Min.) bt-X 16. Kap. V. 6-9, Hock oppe S. 132
