1. Halp met bie daut Woakj fa dän Meista;

hee well, daut wie prädjen un lier’n.

Hee wees ons uk, woo daut jedon’ saul;

dit Woakj deit hee organisier’n.

De Woarheitssot plaunt wie Menschen em Hoat;

een opprechtjet Hoat drajcht dan Frucht.

Soo doo wie ons bastet un schaufen tru met;

bie dit Woakj woat een jiedra jebrukt.

2. Woo väl diene Oabeit veschlon’ deit,

daut henjt uk von die een bät auf,

wiels dee, waut de Woarheit dan aunnäm’,

dee brucken väl Biestaunt un Krauft.

Soo halp dee, wan Druck un Twiewel dee ploacht,

un stoakj dee, soo goot aus du kaust.

Daut moakt die tofräd un du späascht groote Freid,

wan du sitst, woo de Sot en wäm waust.