LEET 76
Prädjen jeft groote Freid
-
1. Jeft daut nich groote Freid,
wan du flietich prädjen deist,
wan du Gott dien bastet jefst
un Menschen halpen west?!
Wan wie ons bastet doon’,
dan woat Gott daut uk beloon’.
Hee weet goot, woo wie am deen’,
hee kaun de Hoaten seen’.
(KUA)
Daut moakt mie froo un jeit mie scheen,
wan ekj Gott low met Hoat un Seel.
Daut es daut Opfa, waut ekj jäw,
un daut, soo lang ekj läw.
-
2. Jeft daut nich groote Freid,
wan ons Wuat waut en wäm deit,
wan dee hieet un sikj besent
un dan toom Gloowen kjemt?!
Eenje sent jäajenaun,
aundre komen nich veraun.
Doch wie jäwen kjeenmol opp,
vetru’n opp onsen Gott.
(KUA)
Daut moakt mie froo un jeit mie scheen,
wan ekj Gott low met Hoat un Seel.
Daut es daut Opfa, waut ekj jäw,
un daut, soo lang ekj läw.
-
3. Jeft daut nich groote Freid,
daut to seen’, woo Gott ons leit,
ons daut prädjen aunvetrut
un ons uk talt aus tru?!
Frintlich un nuscht nich bleed
lia wie aulem wiet un breet,
jäwen aules, waut wie kjenn’;
boolt es dit Woakj to Enj.
(KUA)
Daut moakt mie froo un jeit mie scheen,
wan ekj Gott low met Hoat un Seel.
Daut es daut Opfa, waut ekj jäw,
un daut, soo lang ekj läw.
(See uk Apj. 13:48, NW; 1. Tess. 2:4; 1. Tim. 1:11.)
