1. Von Hus to Hus, von Däa to Däa

vebreed wie Gott sien Wuat.

Von Staut to Staut, von Hoff to Hoff;

wie prädjen hia un doa.

De Norecht von daut Kjennichrikj,

wua Gott sien Wuat von rät,

woat nu jeprädicht oppe Welt,

soo’s Jesus Christus säd.

2. Von Hus to Hus, von Däa to Däa

woat aulem daut jesajcht:

“Deent Gott un roopt sien’ Nomen aun,

dan woa jie uk jerat.”

Doch woo woar’n dee sien’ Nomen ier’n,

wan dee dän nich mol kjan’?

Soo go wie nu no jieda Städ

met Gott sien’ Nomen han.

3. Wie gon’ met Freid von Däa to Däa,

de goode Norecht brinj’.

Met Gott sien’ Säajen jlekjt ons daut,

de Deemootje to finj’.

Un aus wäa hier’n well ooda nich,

wie loten kjeenmol no.

To goodalatst sent irjentwua

Jehova siene Schop.