WOO EENA DÄN HAUSS ÄWAKOMEN KAUN
4 | Dän Hauss met Gott siene Help äwakomen
Waut de Schreft sajcht:
“Dän Jeist siene Frucht es Leew, Freid, Fräd, Jedult, Frintlichkjeit, gootjesonnen sennen, Gloowen, Jelindichkjeit un Selfstbeharschunk” (GALATA 5:22).
Waut daut bediet:
Met Gott siene Help es daut mäajlich, dän Hauss to äwakomen. Wiels derch de Help von dän heiljen Jeist kjenn wie soone Menschen woaren, waut wie auleen nich kjennen. Wudd daut dan nich goot sennen, Gott siene Help auntonämen, enne Städ gaunz auleen to proowen, dän Hauss to äwakomen? Wan wie daut doonen, dan kjenn wie dautselwje sajen, waut de Apostel Paulus schreef, daut “dise jeistliche Krauft von Gott kjemt, un nich von ons” (2. Korinta 4:7). Dan kjenn wie met Sechaheit sajen: “Miene Help kjemt vom HARN” (Psalm 121:2).
Waut eena doonen kaun:
“Jehova holp mie, dän Hauss to äwakomen un een frädelja Mensch to woaren.” (WALDO)
Bäd Jehova von Hoaten om sienen heiljen Jeist (Lukas 11:13). Froag am no Help, een bätra Mensch to woaren. Unjasto die daut, waut de Bibel äwa Leew, Fräd, Jedult un Selfstbeharschunk sajcht. Wan du doano sträfst, soone Ieejenschoften to haben, woascht du dän Hauss äwakomen kjennen. Sie met soone toop, waut uk proowen soone goode Menschen to sennen, wiels dee woaren die “aunspornen, en goode Woakjen, Leew to bewiesen” (Hebräa 10:24).
