Hast du dit Joa de Woaktorms oppmoakjsom jeläst? See mol, aus du de Froagen hia beauntwuaten kaust:

Woo kjemt ons daut togood, ons Tiet to nämen, met Jehova to räden, no am to horchen un äwa am notodenkjen?

Wie woaren bätre Entscheidungen moaken, bätre Liera woaren, eenen stoakjren Gloowen haben un onse Leew fa Jehova woat jrata woaren (w22.01, S. 30-31).

Woo woat ons daut halpen, wan wie lieren, opp Jehova un siene Aunjestalde to vetruen?

Nu es de Tiet to lieren, doaropp to vetruen, woo Gott Sachen deit un nich aun de Aunwiesungen un Entscheidungen von de Eltestasch to twiewlen. Wan dan de groote Liedenstiet, ooda Triebsaul, bat naun es, woa wie reed sennen, mau rajcht no soone Aunwiesungen to horchen, waut wie nich vestonen kjennen (w22.02, S. 4-6).

Waut wia de Uasoak, daut de Enjel to Sacharja säd, daut se “Serubabel [dän Vewaulta] seenen woaren, woo hee aules to lood moakt”? (Sach. 4:8-10).

Derch dise Vision vesechad de Enjel Gott siene Deena, daut de Tempel doawäajen soo sennen wudd, aus Jehova daut haben wull, wan dän fa eenje to beseenen uk eefach leet (w22.03, S. 16-17).

Woo kjenn wie “een Väabilt” em räden sennen? (1. Tim. 4:12).

Wan wie em Deenst leeftolich un met Respakjt räden, en de Toopkomes vom Hoaten sinjen, pinkjlich auntwuaten jäwen un soo räden, daut aundre daut Moot jeft un nich soone Wieed brucken, waut aundre beleidjen (w22.04, S. 6-9).

Wuarom sent de vea Poats von daut wille Tia (Kjennichrikjs), wua Daniel 7 von rät, aula toop bloos een eensjet Tia en Openboarunk 13:1-2?

Daut Tia en Openboarunk 13 stalt nich bloos eene eensje Rejierunk väa, soo aus Room. Enne Städ daut, stalt daut aul de Rejierungen väa, waut bat nu äwa de Menschheit jeharscht haben (w22.05, S. 9).

Opp waut vonne besondre Wajch kjenn wie wiesen, daut wie opp Gott siene Jerajchtichkjeit vetruen?

Wan ons wäa beleidicht ooda jäajen ons jesindicht haft, dan proow wie nich wuttich un veoajat to bliewen, oba loten de Sach en Jehova siene Henj. Hee woat aul dän Schoden fiksen, waut derch de Sind jekomen es (w22.06, S. 10-11).

Aun waut saul een Brooda denkjen, wan dee bie een Toopkomen een Jebäd sajcht?

Daut Jebäd saul nich doafäa jebrukt woaren, de Vesaumlunk Rot to jäwen ooda waut bekaunttomoaken. Besonda aum Aunfank von een Toopkomen es daut nich needich, “väl Wieed” to brucken (Mat. 6:7) (w22.07, S. 24-25).

Opp waut vonne Wajch woaren dee, waut “bie äare beese Woakjen jebläwen sent”, oppstonen “toom jerecht woaren”? (Joh. 5:29).

Dee woaren nich wäajen daut veuadeelt woaren, waut dee ea jedonen haben. Dee woat krakjt beoobacht woaren, waut dee doonen un woo dee sikj oppstalen, nodäm dee vom Doot oppjestonen sent (w22.09, S. 18).

Waut von besondren Rot jeef J. F. Rutherford opp eenen Kongress em Septamba 1922?

Opp eenen Kongress en Cedar Point, Ohio, Stäts, säd hee: “Kjikjt, de Kjennich rejieet! Jie sent siene Norechta. Doawäajen, vekjindicht, vekjindicht, vekjindicht, dän Kjennich un sien Kjennichrikj!” (w22.10, S. 3-5).

Von waut vonne dree Sachen rät daut en Jesaja, Kapitel 30, wua Gott ons halpt uttohoolen?

Dit Kapitel wiest, daut hee oppmoakjsom no onse Jebäda horcht un dee beauntwuat. Hee leit ons uk aun un säajent ons nu aul un uk lota (w22.11, S. 9).

Wuarom kjenn wie sajen, daut de Wieed en Psalm 37:10-11, 29 sikj ieeschtemma erfelden un sikj uk lota erfellen woaren?

David siene Wieed wiesen krakjt, woo goot daut ieeschtemma en Israel wia, biejlikj en de Tiet von Salomo siene Rejierunk. Jesus brukt de Wieed von Psalm 37:11, aus hee von daut komende Paradies räd (Mat. 5:5; Luk. 23:43) (w22.12, S. 8-10, 14).