De mieeschte von ons felt daut veleicht schwoa, daut em Denkj to hoolen, waut wie studieet haben. Oba best du aul enjeworden, daut eena sikj leicht aun Jesus siene Jlikjnisen besennen kaun? Wäajen wie ons daut väastalen kjennen, waut Jesus säd, kjenn wie daut bäta em Denkj hoolen. Krakjt soo kaust du daut bäta em Denkj hoolen, waut du studieescht, wan du die daut väastalst. Waut kaun die doabie halpen? Bilda molen.

Menschen, waut Bilda molen, wan dee waut Nieet lieren, hoolen daut bäta em Denkj. Bilda molen halpt dee, nich bloos de Wieed to vestonen, oba uk de Iedeeen. Dee äare Bilda sent nich besonda schmock, oba eefach. Bilda molen halpt besonda de Elre, daut em Denkj to hoolen, waut dee lieren.

Wuarom wurscht daut näakjstemol biem Studieren nich Bilda molen, om daut bäta em Denkj to hoolen, waut du jelieet hast? Du woascht die veleicht wundren, woo väl du dan em Denkj helst!