JOSUA sull daut Volkj Israel en daut vesproakne Launt nenbrinjen. Daut wudd sea schwoa sennen, oba Jehova spruak Josua Moot too un säd, hee wudd daut volbrinjen. Hee säd to dän: “Bliew mootich un hool die faust aun . . . mien Jesaz . . . Doo de Aunwiesungen von en mien Jesazbuak emma wada utspräakjen, un denkj aum Dach uk de Nacht doaräwa no, om daut du en aulem soo haundelst, aus doa bennen jeschräwen steit. Dan woascht du Erfolch haben un aules waut du aunfangst, jlekjlich to Enj brinjen” (Jos. 1:7-8).

Wie läwen en “jreslich schwoare Tieden” (2. Tim. 3:1). Oba soo aus Josua kjenn wie uk doamet foadich woaren, wan wie dän Rot nokomen, waut Jehova am jeef. Wie sellen pinkjlich de Bibel läsen un daut uk doonen, waut wie doabie lieren. Daut woat ons halpen met onse Schwierichkjeiten rajcht omtogonen.

Väle von ons es daut studieren nich sea en ooda ons jeit daut nich sea scheen. Oba wäajen daut Bibel studieren soo needich es, wudd daut goot sennen dän Kausten derchtogonen “ Woo eena studieren kaun”. Doa finj wie gooden Rot, woo ons daut studieren kaun scheena gonen un mea halpen.

De Psalmenschriewa sunk: “Leid mie opp dän Stich von diene Jebooten, wiels doa finj ekj miene Freid” (Psa. 119:35). Daut kaun sea scheen gonen, Gott sien Wuat to studieren. Wan du wieda de Bibel studieescht, dan woascht du doabennen väl jeistelje Schaza finjen.

Wie motten nich een Volkj leiden soo aus Josua, oba wie motten uk met Schwierichkjeiten foadich woaren. Doawäajen sell wie soo aus Josua Gott sien Wuat studieren un jehorchen. Wan wie daut doonen, dan kjenn wie weis haundlen un met onse Schwierichkjeiten fein foadich woaren.