Wurscht du jleichen, mea von dien perseeneljet Studium to haben? Dise Iedeeen kjennen die halpen, nich aufjelenkjt to woaren:

• Sieekj die eene paussende Städ. Wan daut mäajlich es, dan sieekj die eene Städ, wua daut nich too orriemsch es un wua jenuach Licht es. Du kaust die veleicht aun eenen Desch ooda Schriewdesch dolsaten ooda du sieekjst die buten eene jemietelje Städ.

• Sieekj die eene Städ, wua du auleen sennen kaust. Jesus bäd “tiedich zemorjes” opp “eene eensome Städ” (Mar. 1:35). Wan daut fa die nich mäajlich es, auleen to sennen, dan lot diene Famielje ooda dee, met dee du toop wonst, daut weeten, daut du studieren woascht un diene Ru haben west.

• Lot die nich auflenkjen. Wan du met dien Fon ooda Tablet studieescht, dan stal daut soo en, daut die daut nich auflenkjt. Wan die waut biefelt, waut du noch doonen motst, dan schriew die daut opp, daut du daut lota doonen kaust. Wan du dienen Kopp nich kaust bie de Sach hoolen, dan go een bät ooda moak een bät Ekserseis.