Respakjt fa sikj selfst
WUAROM ES DAUT WICHTICH, SIKJ SELFST TO RESPAKJTEN?
Wan Menschen sikj selfst respakjten, kjennen dee leichta met Schwierichkjeiten foadich woaren un jäwen nich soo haustich opp.
-
Forscha haben utjefungen, daut soone, waut sea läach äwa sikj selfst denkjen, leichta Narfentrubbel ooda groote Angst kjrieen un uk soone Krankheiten, waut eenem daut schwoa moaken, de rajchte Mot to äten. Dee woaren uk leichta aufhenjich von Stoakjet un Droggs ooda doonen Pellen orrajcht brucken.
-
Menschen, waut sikj selfst respakjten, vejlikjen sikj nich sea leicht met aundre. Doaderch es äant daut leichta, met aundre delenjd to komen un goode Frind to sennen. Oba soone, waut sikj selfst fa läach talen, kjikjen ea no de Fäla von aundre un daut moakt äant daut schwanda, met aundre foadich to woaren.
-
Menschen, waut sikj selfst respakjten, jäwen nich opp, wan doa Schwierichkjeiten oppkomen. Dee proowen wieda, daut to volbrinjen, waut dee sikj väajenomen haben, wan doa uk waut mankkjemt. Oba soone, waut sikj selfst fa läach talen, jäwen foaken bosja opp – mau rajcht, wan doa bloos een kjliena Trubbel oppkjemt.
WOO KAUST DU DIE SELFST RESPAKJTEN?
Sieekj die Frind, waut die Moot moaken. Sie met soone Menschen toop, waut Respakjt haben, waut werkjlich waut om die romjäwen un waut die Moot toospräakjen.
Halp aundre. Sie frintlich un doo waut fa aundre, uk fa soone, waut die nuscht trigjjäwen kjennen ooda wan daut soo lat, daut kjeena doavon enwoat. Dan woascht du daut beläwen, daut jäwen werkjlich schaftich moakt un die selfst mea wieet feelen.
Halp june Kjinja, sikj waut wieet to feelen. Lot june Kjinja dee äare Trubbels soo goot aus dee kjennen selfst fiksen. Daut halpt dee, daut dee daut lieren, met Schwierichkjeiten omtogonen un derchtostonen. Doaderch woaren dee sikj selfst mea respakjten un daut woat dee sea togood komen, wan dee ieescht groot sent.
WOO HALPEN JEHOWA SIENE ZEIJEN AUNDRE, SIKJ SELFST TO RESPAKJTEN?
De Toopkomes un de Bibel-Klaussen von Jehowa siene Zeijen kjennen eenem sien Läwen vebätren un doaderch feelt eena sikj mea wieet.
ONSE TOOPKOMES
Bie onse Toopkomes jieda Wäakj hia wie biblische Räden, wua daut foaken doarom jeit, woo wie kjennen ons selfst mea wieet achten. Onse Toopkomes kosten nuscht un jieda eena kaun doa hankomen. Doa woascht du biejlikj lieren . . .
-
wuarom du wichtich best fa Gott.
-
woo du eenen woaren Senn em Läwen finjen kaust.
-
woo du kaust goode Frind finjen un bliewen.
Du woascht uk woare Frind kjrieen, waut werkjlich om “aundre . . . bekjemmat sent” (1. Korinta 12:25-26).
Wan du mea weeten west äwa onse Toopkomes, dan sieekj die opp jw.org daut korte Video Woo es daut en de Vesaumlungshiesa von Jehowa siene Zeijen?
ONSE BIBEL-KLAUSSEN
Wie beeden aulem aun, emsonst de Bibel to studieren met daut Buak Een scheenet Läwen fa emma!. En dit Studia-Buak sent wichtje Bibelvarzhen bennen, kloare Bewies, goode Froagen un scheene Videos un Bilda. Onse Bibel-Klaussen halpen de Menschen, daut dee sikj kjennen waut wieet feelen un een bätret Läwen haben.
Wan du seenen west, woo die daut kaun togood komen, de Schreft toop met Jehowa siene Zeijen to studieren, dan sieekj die opp jw.org daut korte Video Wuarom loont sikj daut, de Bibel studieren?
Veleicht jleichst du uk dit
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.
MEA ÄWA ONS
Komm no eent von onse Toopkomes
Woo sent onse Toopkomes? Hia kaust du daut utfinjen. Un du kaust uk seenen, wua Toopkomes en diene Omjäajent aufjehoolen woaren.
