WOAT WAKA! Num. 2 2020 | Wuarom jeft et soo väl Lieden?
Jieda eena mott mol waut derchmoaken. Veleicht es daut wäajen eene Krankheit, een Ojjlekj, Owwada ooda wäajen se eenem waut aundoonen.
De Menschen wellen weeten, wuarom.
Eenje sajen, daut es soo jelenkjt worden un daut eena daut nich väabieejen kaun.
Eenje sajen uk, daut wie lieden motten, wäajen wie en dit ooda en een aundret Läwen mol waut orrajchtet jedonen haben.
Wan doa waut schlajchtet passieet, dan komen bie Menschen foaken bloos mea Froagen opp.
Waut eenje jleewen
Kjikj, waut veschiedne Gloowes lieren, wua daut Lieden häakjemt.
1 Lajcht Gott ons daut Lieden opp?
De Menschen sent von faulsche Lieren äwa Gott veleit worden. Waut es de Woarheit?
2 Sent wie selfst schult, wan wie lieden?
Na, wan daut soo wia, dan wudd wie daut Lieden kjennen weinja moaken.
3 Wuarom motten de goode Menschen lieden?
De Schreft jeft ons de Auntwuat.
4 Sent wie jemoakt toom lieden?
Wudd een Gott, waut aules soo schmock jemoakt haft, ons een Läwen voll Lieden jäwen? Wan nich, wuarom es daut dan soo?
5 Woat daut Lieden noch mol een Enj haben?
En de Schreft kjenn wie läsen, woo Gott met daut Lieden woat een Enj moaken.
Daut jeft Help
Wan sikj daut uk soo feelt, daut de Trubbels nich wellen een Enj nämen, jeft daut doch waut, waut ons werkjlich halpt.
