Na, wan daut soo wia, dan wudd wie daut Lieden kjennen weinja moaken.

Woo sea licht daut aun de Menschen, wan wie aun dit denkjen, waut hia aunjejäft es?

• Schlajcht behaundelt woaren.

  Soo aus de World Health Organization (WHO) uträakjent, wort jieda vieeda Mensch irjentwanea bie kjlien sea hunjsch behaundelt. Un jieda dredde Fru wort irjentwanea en äa Läwen vekjielt ooda mesbrukt (ooda beides).

• Truaren.

  “Aune 2016 worden oppe gaunze Welt ojjefäa 477 000 Menschen omjebrocht”, sajcht daut en de World Health Statistics 2018, von de WHO rutjejäft. Un soo aus se sajen, sent daut noch 180 000 Menschen, waut en dautselwje Joa wäajen Kjrich un Orru todood kjeemen.

• Trubbels met de Jesuntheit.

  En eenen Artikjel von National Geographic schrift Fran Smith: “Mea aus hundat Millionen Menschen schmieekjen. Tobbak haft met dise fief Sachen to doonen, waut toom Doot fieren: Hoatkrankheiten, eenen Schlach kjrieen, Trubbel met odmen, Lungen-Krankheiten un Lungen-Kjräft.”

• Unjascheet manke Menschen.

  “Menschen sent oam, woaren orrajcht behaundelt ooda schlajcht aunjeseenen wäajen äare Hutkalia ooda wäajen daut Frues sent. Aundre motten äa Tus veloten un väle doonen sikj met aundre mäten. Daut aules fieet doatoo, daut Menschen sea bedrekjt sent”, sajcht de Narfendokta Jay Watts.

  LIA NOCH MEA

  Kjikj daut Video Wuarom haft Gott de Ieed jemoakt? opp jw.org.

Välet Lieden licht aun de Menschen.

Välet Lieden kjemt von Rejierungen. Dee sajen, daut see de Menschen wellen halpen, oba dee doonen dee bloos unjadrekjen.

“Wan eena äwa dän aundren rejieet, . . . [kjemt] doaderch Schoden” (LIERA 8:9)

Eena kunn sikj Lieden spoaren.

Sikj no de Schreft rechten halpt fa de Jesuntheit un met aundre fein foadich to woaren.

“Een frädeljet Hoat jeft dän Kjarpa Läwen, oba Aufgonst moakt de Knoakes fulen” (SPRICHA 14:30)

“Woat nich mea betta un fuchtich äwa eenaunda un vezoajcht junt nich. Hieet opp to schrieen un to beleidjen. Lot von soowaut nuscht mea sennen” (EFEESA 4:31)