Waut doonen de ellektroonische Sachen aun dien denkjen?
Menschen motten väl lieren; entwäda fa de School, fa de Oabeit ooda wäajen waut aundret. Ellektroonische Sachen kjennen ons doamet halpen. Daut es noch newers ea soo hendich jewast, sikj waut notosieekjen aus nu. Eena brukt nich mol sien Hus veloten, uk nich mol vom Stool oppstonen.
Oba väle, waut sea ellektroonische Sachen brucken, sent enjeworden, daut an daut . . .
-
biem läsen schwoa es, gaunz bie de Sach to sennen.
-
schwoa es, een Dinkj opp eemol to doonen.
-
leicht enoolent woat, wan see auleen sent.
WAUT DU WEETEN MOTST
LÄSEN
Eenje haben nich de Jedult, een Buak ooda aundret gaunz derchtoläsen.
Dee wellen bloos bosich de Iedee weeten. Waut bosich äwaläsen es goot, wan die haustich eene Auntwuat fält. Oba daut es nich soo goot, wan du werkjlich waut gaunz vestonen saust.
TOOM NODENKJEN: Woo goot kaust du een langet Enj läsen? Wan du daut bäta kust, woo wudd die daut kjennen halpen, bäta to lieren? (SPRICHA 18:15).
BIE DE SACH SENNEN
Eenje haben daut soo tohoolen, daut see met ellektroonische Sachen välet tojlikj doonen kjennen. Biejlikj schriewen eenje biem studieren uk noch Frind. Oba dan woaren see bie beides nich gaunz bie de Sach sennen, un beides nich fein doonen.
Wan daut uk schwoa es, gaunz bie eene Sach to sennen, woat eena oba bäta lieren kjennen. Grace, eene Jugentliche, sajcht: “Du moakst dan weinja Fäla un hast weinja Stress. Ekj hab jelieet, een Dinkj opp eemol to doonen un gaunz bie de Sach to sennen, enne Städ mie auflenkjen to loten.”
TOOM NODENKJEN: Moaken ellektroonische Sachen daut fa die schwanda, gaunz bie de Sach to sennen un daut em Denkj to hoolen, waut du studieescht? (SPRICHA 17:24).
AULEEN SENNEN
Eenje Menschen felt daut schwoa, wua auleen to sennen, wua daut gaunz stell es. Dan brucken dee leicht ellektroonische Sachen. Eene Fru, waut Olivia heet, sajcht: “Wan ekj bloos 15 Minuten sett, onen, daut ekj no mien Fon, Tablet ooda Tellewizhen kjikj, woat mie daut aul enoolent.”
Oba mol fa een Stootje auleen sennen toom deep nodenkjen, es väl wieet. Soo kjennen junge uk elre Menschen väl bäta lieren.
TOOM NODENKJEN: Wan du noch mol auleen best, brukst du de Tiet dan toom nodenkjen? (1. TIMOTÄUS 4:15, NW).
WAUT DU DOONEN KAUST
WOO BRUKST DU ELLEKTROONISCHE SACHEN?
Woo kunnen ellektroonische Sachen die halpen, waut bäta to lieren? Woo kunnen ellektroonische Sachen die biem lieren oba schoden?
WAUT DE SCHREFT SAJCHT: “Kjikj emma doano daut du Sachen vestonen kaust” (SPRICHA 3:21).
Veleicht jleichst du uk dit
WAUT JUNGE MENSCHEN WEETEN WELLEN
Woo kaun ekj daut lieren, bie de Sach to bliewen?
Hia es dreeatlei, bie waut daut ellektroonische Jereetschoft die auflenkjen kaun, un waut du doamet doonen kaust.
