Eene goode Natua haben
De Schreft woarnt ons doafäa, eene Natua to haben, waut Schoden aunrecht, un rot ons too, eene goode Natua to haben.
WUTT
WAUT DE SCHREFT SAJCHT: “En Mensch dee langsam es oajalijch to woare es bäta aus dee Majchtja” (Spricha 16:32, Reimerbibel).
WAUT DAUT BEDIET: Daut es goot fa ons, wan wie doaropp schaufen, eene goode Natua to haben. Eenjemol hab wie veleicht Uasoak, doll to sennen, oba daut kaun Schoden aunrechten, wan wie ons nich beoabeiden. De Forscha haben rutjefungen, daut wan Menschen jroz äwa waut voll sent, daut dee dan foaken waut sajen ooda doonen, waut dee lota beschoden.
WAUT DU DOONEN KAUST: Du motst die lieren to beoabeiden, ea daut utjieet. Eenje denkjen, see sent wunda wäa, wan see äare Wutt rutloten, oba rajcht jesajcht es daut een Bewies, daut dee schwak sent. Spricha 25:28 sajcht: “Een Maun dee sikj selfst nich beharschen kaun, es soo aus eene Staut, dee de Wenj doljebroaken sent.” Eene goode Wajch, de Wutt to kontrollen, es, wan eena ieescht om de Sach omweet, ea eena waut deit. “En Maun sien Fäasejchtjet moakt sien Oaja langsom” (Spricha 19:11, Reimerbibel). Wan wie ons de Sach goot unjastonen, dan woa wie doa rajcht naunkjikjen, un daut kaun onse Wutt dolen.
DANKBOAKJEIT
WAUT DE SCHREFT SAJCHT: “Siet dankboa” (Kolossa 3:15).
WAUT DAUT BEDIET: Doa woat jesajcht, daut bloos dankboare Menschen schaftich sent. Daut sajen mau rajcht soone, waut väl veloaren haben. Dee sajen, daut eena sikj doa bäta too schekjen kaun, mott eena no daut kjikjen, waut eena haft, un nich no daut, waut eena nich mea haft.
WAUT DU DOONEN KAUST: Moak die jieda Dach eene List, fa waut du aules kaust dankboa sennen, wan daut uk nich waut grootet es. Denkj äwa Kjlienichkjeiten no, soo aus äwa eenen schmocken Sonnenoppgank ooda eene goode Vetal met eenen Frint ooda bloos fa eenen freschen Dach. Wan du äwa soont jrebbelst un doafäa dankboa best, dan kaun die daut halpen, daut die daut bäta jeit.
Waut besonda halpen kaun, es, doaräwa to denkjen, wuarom du fa diene Famielje un Frind kaust dankboa sennen. Wan du ieescht weetst, waut du von aundre jleichst, dan saj dee daut, schriew dee eenen Breef, eene E-Mail ooda äwa Fon. Soo kjenn jie jratre Frind woaren un du woascht beläwen, woo väl Freid daut jeft, wan eena jeft (Aposteljeschicht 20:35).
AUNDRE BIBELVARZH
Du kaust de Schreft oppjeschnakt raufloden opp dee Sproak, waut du vesteist. Dee jeft daut nu opp soo bie 40 Sproaken opp jw.org
HOOL DIE VON STRIEDARIEEN WAJCH.
“Zank aunfangen es soo aus aum Wota dän Daum derchgrowen, doawäajen moak Fräd ea doa Zank utbrakjt.” (SPRICHA 17:14)
MOAK DIE NICH ONNEEDICH SORJEN ÄWA LOTA.
“Doawäajen moakt junt nich Sorjen om daut, waut morjen komen saul. Morjen woat fa sikj selfst sorjen. Jieda Dach haft fa sikj jenuach Trubbel.” (MATÄUS 6:34)
BEDENKJ DAUT, EA DU WAUT DEIST, ENNE STÄD BLOOS FUAZ DIENE NATUA NOGONEN.
“De Väasecht [woat] die bewoaren, un dien Vestaunt woat die doabie hoolen.” (SPRICHA 2:11)
Veleicht jleichst du uk dit
WOAT WAKA!
Woo kaun eena met Stress omgonen?
See hia waut gooda Rot, waut die halpen kaun, wan du die äwafoddat feelst ooda die daut soogoa leichta moaken kaun.
