Kjarpaliche Jesuntheit
De Schreft es nich een Buak äwa Doktarie. Oba dee jeft ons gooden Rot, woo wie kjennen jesunda sennen. Unjasto die waut Bibelvarzh un see, waut du von dee äwa de Jesuntheit lieescht.
SIE NICH ENDOONTICH ÄWA DIENEN KJARPA
WAUT DE SCHREFT SAJCHT: “Noch haft kjeena sien ieejnet Fleesch veschmäten. Een Mensch vesorcht un näat sienen Kjarpa” (Efeesa 5:29).
WAUT DAUT BEDIET: Dis Bibelvarsch rot ons too, daut wie soo goot aus mäajlich fa onse kjarpaliche Jesuntheit sorjen sellen. Een Berecht wiest, daut väl Krankheiten doamet to doonen haben, waut Menschen fa een Läwen fieren un fa Jewanheiten haben. Doawäajen kaun onse Jesuntheit bäta woaren, wan wie ons Läwen bäta enstalen.
WAUT DU DOONEN KAUST:
-
Äten. Pauss opp, waut du atst. Ät jesunt un drinkj jenuach Wota.
-
Bliew drock. Kjarpalich drock bliewen kaun diene Jesuntheit vebätren, endoont woo oolt du best. Mau rajcht dan, wan du kjarpalich behindat best ooda eene aunhoolende Krankheit hast. Frind ooda Doktasch kjennen die doamet toschekj halpen, woo du eewen kaust, oba bloos du kaust daut doonen.
-
Schlop jenuach. Fa eene lenjre Tiet Schlop vesiemen kaun schlemme Krankheiten veuasoaken. Väle schlopen nich jenuach, wäajen dee sikj daut en äa Läwen soo aunjegonen haben. Wan du een bätret Läwen west, dan motst du uk doafäa sennen, mea to schlopen.
SCHLAJCHTE JEWANHEITEN TOCHLOTEN
WAUT DE SCHREFT SAJCHT: “Well wie ons nu von aules reinjen waut Kjarpa un Jeist besudelt” (2. Korinta 7:1).
WAUT DAUT BEDIET: Daut es goot fa ons, wan wie onsen Kjarpa nich met irjentwaut schoden soo aus met Tobbak. Daut es bekaunt, daut doa von Tobbak de mieeschte Krankheiten un Doot häakomen.
WAUT DU DOONEN KAUST: Tieekjen die daut aum Kalenda, woonen Dach du west opphieren met schmieekjen. Jroz eenen Dach ea brinj aules äwatsied, waut doamet to doonen haft, soo aus de Zegoaren, de Auschkomkjes, de Leitasch ooda aundret. Go dee Städen utem Stich, wua aundre soo waut doonen. Saj diene Frind, waut die doamet unjastetten, to waut du die best eenich jeworden.
AUNDRE BIBELVARZH
Wan du wurscht eene Bibel wellen, dan froag wäm von Jehova siene Zeijen en diene Omjäajent, aus dee die met eene vehalpen kaun
SIE OM SECHAHEIT BEDOCHT.
“Wan wäa een nieet Hus but, saul hee eenen Tun aun de Kaunt von een plautet Dak moaken. Dan woa jie nich schuldich sennen wan doa wäa von daut Dak felt un sikj doabie dootschleit.” (5. MOSE 22:8)
HOOL DIENE WUTT UNJA KONTROLL.
“Wäa nich schwind doll woat, es weis, oba wäa hetskoppich [ooda leicht doll] es, bewiest doamet woo schoslich hee es.” (SPRICHA 14:29)
ÄT DIE NICH TOO VOLL.
“Hool die nich met dee waut . . . sikj . . . äwafräten”. (SPRICHA 23:20)
