BLIEFT WIEDA WAKA!
Wäajen dän Kjrich en de Ukraine woat daut Äten aulawäajen emma knaupa
Dän 19. Mei 2022 hieeden de Sechaheits-Rotjäwasch von de Veeende Nazionen (United Nations Security Council) von äwa 75 Huachbeaumte, daut “wan daut Äten wäajen de COVID-19-Krankheit un wäajen dän Wadawakjsel bat nu aul aulawäajen knaup wia, kunn daut nu oba mau rajcht opp miere Städen to Hungaschnoot komen wäajen dän Kjrich en de Ukraine.” Un dan schreef daut lota noch en eene Post, daut “de Kjrich dise Welt, waut aul ernoa schwak es, no eene groote Hungaschnoot brinjen woat” (The Economist). De Bibel säd verut, daut en onse Tiet daut Äten oppe gaunze Welt wudd knaup woaren. Oba dee jeft ons uk Rot, woo wie met daut kjennen foadich woaren.
De Bibel säd Hungaschnoot verut
Jesus säd verut: “Een Volkj woat jäajen daut aundre oppstonen, un een Kjennichrikj jäajen daut aundre. Un doa woaren opp veschiedne Städen . . . Hungaschnoot . . . sennen” (Matäus 24:7, PB; von ons dunkel jemoakt).
En daut Bibelbuak Openboarunk rät daut von vea Rittasch. Eent von dee Rittasch stalt Kjrich väa. Doahinja kjemt eena, waut Hungaschnoot väastalt ooda eene Tiet, wua daut Äten wudd knaup sennen un too dia vekoft woaren. “Ekj kjikjt, un sach ver mie een schwoatet Pieet. Un dee doabowen saut, haud eene Wichtschol en de Haunt. Un ekj hieed . . . eene Stemm sajen: Weit fa een Dach fa een Doages Loon, ooda Joascht fa dree Doag fa een Doages Loon” (Openboarunk 6:5-6, PB).
Dise Profezeiungen erfellen sikj nu en onse Tiet, waut de Schreft “de latste Doag” nant (2. Timotäus 3:1, PB). Wan du west mea lieren äwa “de latste Doag” un äwa de vea Rittasch von de Openboarunk, kjikj daut Video De Welt haft sikj von 1914 aun veendat un läs dän Artikjel “Die vier Reiter der Apokalypse: Wer sind sie?”.
Woo de Bibel ons halpen kaun
De Bibel haft gooden Rot, waut ons halpen kaun, met Schwierichkjeiten foadich to woaren, biejlikj soo aus wan daut Ätwoa diera woat ooda mau rajcht knaup woat. See eenje Biespels doatoo en dän Artikjel “Wie man mit weniger Geld auskommt”.
De Bibel jeft ons de Hopninj, daut aules woat bäta woaren. Dee vesprakjt eene Tiet, wua doa woat “jenuach Jeträajd em Launt sennen” un jieda Mensch woat äwajenuach to äten haben (Psalm 72:16, PB). Wan du west mea lieren äwa de Hopninj, waut de Schreft ons fa lota jeft un wuarom du die doa kaust opp veloten, dan läs dän Artikjel “Eine echte Hoffnung für die Zukunft”.
Veleicht jleichst du uk dit
BLIEFT WIEDA WAKA!
Russlaunt kjemt met Jewault en de Ukraine nenn – Deit sikj derch dit eene Profezeiunk von de Bibel erfellen?
Lia, waut daut to bedieden haft.
WAUT SAJCHT DE SCHREFT ÄWA ...?
Waut es daut Tieekjen von “de latste Doag” ooda daut Enj von de Welt?
De Bibel säd väl Sachen verut, waut aula toop wiesen wudden, daut wie enne latste Tiet läwen.
WICHTJE BIBLISCHE LIEREN
Wuarom lat Gott too, daut daut soo väl Lieden jeft?
Väle wundren, wuarom de Welt soo voll Hauss un Lieden es. De kloare Auntwuat, waut de Schreft doaropp jeft, treest ons.
BIBLISCHE LIEREN
Fang een Bibelstudium aun
Du kaust een Studium haben met dienen ieejnen Bibelliera un daut kost nuscht.
