De Kjrich en de Ukraine wiest gaunz dietlich, daut väl Väaschte von de christelje Kjoakjen dän Kjrich unjastetten. See dise Biespels, woo dee de eene ooda aundre Sied unjastetten:

•    “Wie sent de Soldoten von de Ukraine sea dankboa un ieren dee, daut dee äa Launt jäajen de Fiend veteidjen . .  Wie bäden fa junt, unjastetten junt un denkjen aun junt” (Metropolitan Epiphanius I. von Kiew, dän 16. Moaz 2022 von de Jerusalem Post jenomen).

•    “Wiels Russlaunt de Ukraine aunjriepen deit, deed aum Sindach de Väaschta von de rusche-orthodoxe Kjoakj uzhent fa rusche Soldoten kjoakjen un an oppmuntren, äa Launt soo to veteidjen, soo aus daut ‘bloos de Russlenda kjennen’” (Reuters, 3. Aprell 2022).

 Sellen Christen em Kjrich metmoaken? Waut sajcht de Schreft doatoo?

 De Schreft wiest dietlich, daut Jesus siene woare Nofolja nich em Kjrich metmoaken.

•    “Stäakj dien Schwieet trigj wua daut hanjehieet! Wiels wäa daut Schwieet nemt, woat derch daut Schwieet omkomen” (Matäus 26:52, PB).

   Kjemt deejanja, waut dän Kjrich unjastett ooda doa metmoakt, werkjlich Jesus siene Wieed no?

•    “Ekj jäw junt een nieet Jeboot, jie sellen junt unjarenaunda goot sennen, krakjt soo aus ekj junt goot jewast sie. June Leew fa eenaunda saul jrod soo groot sennen, aus miene Leew fa junt. Wan jie Leew unjarenaunda haben, woat aulemaun seenen, daut jie miene Jinja sent” (Johanes 13:34-35, PB).

   Wiest deejanja, waut dän Kjrich unjastetten deit, werkjlich de Leew, von dee Jesus säd, daut eena siene Jinja ooda Nofolja doaraun erkjanen wudd?

 Wan du noch mea weeten west, dan läs dän Artikjel “Verträgt sich Krieg mit dem Christentum?”

 Kjennen Christen vondoag dän Dach vom Kjrich wajchbliewen un sikj doa nich mank menjen? Jo, dee kjennen – krakjt soo aus Jesus daut lieed. De Bibel lieet, daut nu en onse Tiet, de latste Doag, Menschen von aule Velkja “nich mea toom Kjrich reedmoaken” woaren ooda sikj doafäa utlieren loten (Jesaja 2:2, 4, PB).

•    Om noch mea doavon to lieren, läs de Artikjels, waut em Wachtturm sent: “Ist Krieg die Lösung?”

 Boolt woat Jehova, a de “Frädens Gott”, derch siene himlische Rejierunk de Menschen “von dee raden, dee an unjadrekjen un vejewaultjen” (Filippa 4:9, PB; Psalm 72:14, PB).

•    Om to seenen, woo hee daut doonen woat, kjikj daut Video Waut es Gott sien Kjennichrikj?