•   “Enne Stäts sajen meist de Halft von aule groote Menschen, daut dee sikj eensom feelen, un besonda oajch es daut mank de junge Mana un Frues” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023).

•   “[De World Health Organization] haft bekauntjemoakt, daut et eene niee Grupp jeft, waut äwa de Eensomkjeit forschen saul, wiels daut een groota Trubbel fa de Jesuntheit es. Dee sellen doano seenen, daut et de Menschen wada wichtja woat, toop to sennen. Dee sellen uk en aule Lenda, endoont aus rikje ooda oame, doano seenen, daut et mea un bätre Mäajlichkjeiten jeft toom met de Eensomkjeit foadich woaren” (World Health Organization, 15. Nowamba 2023).

 De Schreft kaun ons halpen, daut ons daut leichta es, met aundre Frind to woaren un ons nich mea eensom to feelen.

 Proow, nich soo foaken soont to doonen, waut die von aundre oppoat helt. Doa wudd biejlikj met en sennen, sikj too väl em Internet met Social Media auftojäwen. Sieekj leewa no Jeläajenheiten, met aundre Menschen toop to sennen un soo Frind met dee to woaren.

•    Waut de Schreft sajcht: “Een Frint woat emma Leew bewiesen, un een Brooda es jebuaren toom em Trubbel biestonen” (Spricha 17:17, PB).

 Sieekj no Jeläajenheiten, aundre to halpen. Wan wie aundre Goots doonen, woa wie jratre Frind met dee woaren un ons selfst uk bäta feelen.

•    Waut de Schreft sajcht: “Jäwen moakt schaftja aus nämen” (Aposteljeschicht 20:35, NW).

 Opp onse Websied kaust du noch mea ut de Schreft finjen, waut die halpen kaun toom met aundre goode Frind woaren.