Korz wort en eenen Berecht a jesajcht, daut sikj jieda vieede Mensch oppe gaunze Welt eensom feelt.

•   “Jieda eena kaun sikj eensom feelen, endoont woo oolt dee es ooda wua dee wont” (Chido Mpemba, eene von de Väaschte von de Grupp, waut äwa de Eensomkjeit forschen saul, von de World Health Organization).

 Väle jleewen, daut bloos elre Menschen ooda soone, waut auleen sent, sikj eensom feelen, oba daut es lang nich soo. Junge, jesunde ooda befriede Menschen un soone, waut goot wiedakomen em Läwen, kjennen sikj krakjt soo eensom feelen. Un wan eena nich foaken met aundre Menschen toopkjemt un sikj eensom feelt, kaun daut sea väl Schoden aun dän siene Jefeelen un siene Jesuntheit doonen.

•   Dokta Vivek Murthy, de Väaschta von Jesuntheits-Sachen enne Stäts, sajcht: “Sikj eensom to feelen es väl mea aus bloos een dommet Jefeel. . . . De Jefoa, von eensom sennen to stoawen, es sea soo groot, aus wan eena bat 15 Zegoaren dän Dach schmieekjt.”

 Ons Schepfa well haben, daut wie sellen met aundre toop sennen. Hee wull aul emma haben, daut de Menschen sullen goode Frind haben un daut dee daut sull scheen gonen, met aundre toop to sennen.

•    Waut de Schreft sajcht: “Un Gott de HAR säd: Daut es nich goot, daut de Mensch auleen es” (1. Mose 2:18, PB).

 Gott well haben, daut wie siene Frind woaren. Hee vesprakjt, daut hee ons noda komen woat, wan wie ons aunstrenjen, am noda to komen (Jakobus 4:8).

•   Waut de Schreft sajcht: “Freid haben dee, waut sikj doaräwa em kloaren sent, daut äant daut jeistelje fält, wiels daut Kjennichrikj em Himmel es fa soone, waut soo sent aus dee” (Matäus 5:3).

 Gott well haben, daut wie am met aundre toop sellen aunbäden un deenen. Wan wie daut doonen, woa wie ons kjennen schaftja feelen.

•   Waut de Schreft sajcht: “Well wie toophoolen un ons unjarenaunda aunspornen, en goode Woakjen, Leew to bewiesen. Vonne Vesaumlungen wajch bliewen,  . . . daut well wie nich, oba väl leewa ons unjarenaunda Moot toospräakjen” (Hebräa 10:24-25, PB).

 Wan du west mea doaräwa weeten, wuarom daut wichtich es, jäajen Eensomkjeit to kjamfen, läs dän Artikjel “Einsam in einer total vernetzten Welt”.