Väle vetwiewlen meist, wan dee aun aul de Trubbels denkjen, waut daut Joa 2024 met sikj brinjen woat. Oba daut jeft Hopninj. Wua?

 De Schreft vesprakjt, daut Gott dee Trubbels fiksen woat, waut ons nu foaken hopninjsloos moaken. Gott woat boolt “aule Tronen von . . . [onse] Uagen weschen. Doa woat kjeen Doot ooda Trua ooda Hielen ooda Weedoag mea sennen” (Openboarunk 21:4, PB).

•   Wan du mea weeten west äwa de Hopninj, waut de Schreft jeft, dan läs dän Artikjel “Eine echte Hoffnung für die Zukunft”.

 Wan du die sea doljeschloagen feelst wäajen aul de Trubbels, dan kaun de Schreft die halpen. Du woascht die mau rajcht freien kjennen to de Tiet, waut noch kjemt, wiels de Schreft die eene Hopninj jeft (Reema 15:13). De gooda Rot ut de Schreft kaun die uk met Trubbels halpen, waut du nu veleicht hast, soo aus Oamoot, Ojjerajchtichkjeit ooda Krankheit.

•   Finj ut, woo de Hopninj ut de Schreft eenen Maun holp, schaftich to sennen un Fräd to finjen, wan hee uk sea oam oppjewossen wia. Kjikj daut Video Juan Pablo Zermeño: Jehowa haft mie een Läwen jejäft, waut eenen Senn haft.

•   Woo kaun de Schreft die halpen, wan du die truarich ooda schuldich feelst, wan du Angst hast ooda wan doa wäa jestorwen es, waut du väl räakjensd? Läs dän Artikjel “Kann ich in der Bibel Trost finden?”

•   See, woo eene Fru, waut ea Soldot wia, Hopninj ut de Bibel kjrieech, wan see uk säd, daut see ieeschtemma een ommootja Mensch wia, waut nuscht om aundre romjeef. Kjikj daut Video Ich legte meine Waffen nieder.

 Lot daut Joa 2024 to een goodet Joa fa die un diene Famielje woaren! Mea von de Schreft to lieren kaun die halpen. Finj daut ut derch een Bibelstudium, waut emsonst es. Soo kaust du lieren, daut Gott die eene “Tookunft un Hopninj” jeft un die halpen well, daut du die kaust ruich feelen (Jeremia 29:11, PB).