Fa väle Menschen äwa de gaunze Welt es daut sea schwoa, jenuach Jelt to vedeenen toom läwen; un daut woat bloos emma schwanda.

•   No eenen Berecht a no kjennen sikj de Menschen äwa de gaunze Welt väl weinja Sachen kjeepen met daut Jelt, waut dee jieda Moonat vedeenen. En dän Berecht sajcht daut uk, daut wan doa nuscht met jedonen woat, dan woat de Unjascheet tweschen de Rikje un de Oame emma jrata woaren, un väl Famieljes woaren nich mea soo goot to läwen haben aus ea.

 Woaren de Rejierungen doa waut met doonen kjennen ooda disen Trubbel gaunz fiksen kjennen?

 De Schreft rät von eene Rejierunk, waut aul de Jelt-Trubbels fiksen kaun un daut uk doonen woat. Un doa es uk met en, daut doa kjeen Unjascheet mea sennen woat tweschen de Rikje un de Oame. Daut sajcht, daut “Gott em Himmel een . . . Rikj oppstalen” woat, daut meent eene Rejierunk, waut sikj om aules oppe Ieed kjemren woat (Daniel 2:44, PB). Dise Rejierunk woat äwa de gaunze Welt doafäa sorjen, daut kjeen Mensch vejäten ooda em Stäakj jeloten woat (Psalm 9:19). Gott sien Kjennichrikj woat doafäa oppkomen, daut aule woaren daut haben, waut dee fält, daut dee kjennen schaftich sennen. Aule woaren een scheenet Läwen haben, wiels äare Oabeit woat nich vejäfs sennen (Jesaja 65:21-22).