BLIEFT WIEDA WAKA!
Jewault jäajen Rejierungsmenschen – Waut sajcht de Schreft doaräwa?
Äware gaunze Welt jeft daut emma mea soont, daut se de Rejierungsmenschen waut aundoonen wellen, om waut enne Politikj to endren.
En Mexiko worden 39 Menschen dootjemoakt, waut sikj bie de Wolen aune 2023-2024 fa de Rejierunk väaschlonen leeten. Daut wieren soo väle aus kjeenmol ea. Buta daut jeef daut bie de Wolen uk noch väl aundret Opprua un aul dit brocht väl Orru.
En Europa haft daut enne latste Tiet mieremol soont jejäft, daut se proowden, de Rejierungsmenschen waut auntodoonen. Biejlikj hauden se dän Väaschten von de Rejierunk en de Sloowakei aum 15. Mei 2024 meist dootjemoakt.
De Menschen enne Stäts vefieeden sikj sea, aus aum 13. Juli 2024 wäa proowd, dän jewäsnen Präsident Donald Trump doottomoaken.
Wuarom doonen de Menschen soo sea met Jewault jäajen de Politikj schaufen? Woat daut noch mol opphieren? Dit es, waut de Schreft doaräwa sajcht:
Daut wudd Oneenichkjeit jäwen wäajen polietische Sachen
De Schreft nant onse Tiet “de latste Doag”, un säd verut, daut väl Menschen wudden soo enjestalt sennen, daut et leicht to Grausomet, Jewault un Oneenichkjeit komen kunn.
“Denkj doaraun, daut en de latste Doag jreslich schwoare Tieden sennen woaren. Menschen woaren . . . ondankboa, onheilich sennen, dee woaren sikj nich . . . veseenen loten . . . onbandich sennen, . . . sikj unjarenaunda veroden, ruchloos un stolt sennen” (2. Timotäus 3:1-4, PB).
De Schreft säd uk noch verut, daut et en dise Tiet väl Orru jäwen wudd, soo aus wan de Menschen met Jewault fa äare Iedeeen strieden un jäajen de Rejierunk gonen (Lukas 21:9, Footnoot). Oba daut woat nich fa emma soo bliewen.
Eene Rejierunk, waut Fräd un Eenichkjeit brinjt
De Schreft sajcht, daut Gott doafäa sorjen woat, daut siene himlische Rejierunk enne Städ aul de menschelje Rejierungen rejieren woat.
“Gott em Himmel [woat] een eewjet Rikj oppstalen . . . Daut woat aule aundre Kjennichrikjs en Bieta bräakjen un venichten, oba woat selfst opp emma bliewen” (Daniel 2:44, PB).
Gott sien Kjennichrikj woat werkjlich Eenichkjeit brinjen mank aule Menschen un oppe gaunze Welt fa Fräd sorjen.
De Väaschta von Gott sien Kjennichrikj, Jesus Christ, woat de “Frädensprins” jenant. Hee woat doano seenen, daut “de Fräd unja am woat onen Enj toonämen” (Jesaja 9:5-6, PB).
Dee, waut Gott sien Kjennichrikj aunnämen, lieren daut nu aul en Fräd to läwen. Äwa dee sajcht de Schreft: “Dee woaren äare Schwieed to Pluachschoaren vekloppen, un äare Spiessen to Goaden Jereetschoft. Doa woat kjeen Launt jäajen daut aundre, siene Schwieed opphäwen; dee woaren nich mea toom Kjrich reedmoaken [ooda dän Kjrich lieren]” (Jesaja 2:3-4, PB).
Toom mea doaräwa weeten, läs dän Artikjel “Waut woat Gott sien Kjennichrikj aules doonen?” un kjikj daut Video Waut es Gott sien Kjennichrikj?
Veleicht jleichst du uk dit
DE WOAKTORM
Waut woat Gott sien Kjennichrikj volbrinjen?
Jesus wist, daut Gott sien Kjennichrikj de eensje Rejierunk wia, waut de Trubbel oppe Ieed leesen kunn. Woo kjenn wie opp dee Rejierunk vetruen?
BLIEFT WIEDA WAKA!
Väle vetruen nich mea opp Rejierungsmenschen – Waut sajcht de Schreft doaräwa?
De Schreft sajcht, daut wie oppaussen sellen, wäm wie vetruen. Dee wiest ons uk, wäa de eensja es, waut werkjlich waut bätret brinjen kaun.
BLIEFT WIEDA WAKA!
Wuarom brinjt de Politikj soo väl Menschen uteneen? – Waut sajcht de Schreft doaräwa?
De Politikj brinjt oppe gaunze Welt emma mea Menschen uteneen. De Schreft haft de Leesunk: Een Leida, waut doafäa sorjen woat, daut aule Menschen woaren Eenichkjeit unjarenaunda haben.
DE WOAKTORM
Woonen Leida haft Gott sikj utjewält?
BIBLISCHE LIEREN
Fang een Bibelstudium aun
Du kaust een Studium haben met dienen ieejnen Bibelliera un daut kost nuscht.
