En Haiti rechten Baunden met Jewault väl Schoden aun. En Sied-Afrika, en Mexiko un en aundre Lenda en Meddel- un Sied-Amerika motten de Menschen unja grausome Vebräakjen lieden. Mau rajcht opp Städen, wua daut nich mea soo grausom toojeit, feelen de Menschen sikj onsecha un haben Angst, wäajen dee foaken von soont aus dit hieren: Stälen, aundre äare Sachen woaren vestieet un Hiesa woaren aunjestekjt.

 Waut sajcht de Schreft doaräwa, daut de Menschen oppe gaunze Welt emma jesazloosa woaren?

 De Bibel säd verut, daut een Poat von daut “Tieekjen von daut Enj von dise TIET” wudd sennen, daut de Menschen jesazloos haundlen woaren (Matäus 24:3). Aus Jesus de eenselne Poats von dit Tieekjen verutsäd, säd hee:

•   “Wäajen doa emma mea Menschen woaren jesazloos haundlen, woat de Leew von de Mierheit kolt woaren” (Matäus 24:12).

 De Bibel säd uk verut, daut de Menschen “en de latste Tiet” wudden “sikj nich selfst kontrollen, hunjsch sennen, un daut Goode nich leewen” (2. Timotäus 3:1-5, NW). Wäajen de Menschen sikj soo ekjich vehoolen, nemt daut met daut Jesazloose emma mea too.

 Oba doa es Hopninj. De Bibel vesprakjt, daut et boolt nich mea woat Jesazloosichkjeit jäwen.

•   “Daut woat nich mea lang dieren, dan woaren de gottloose nich mea sennen, un wan du no äaren Plauz sieekjen woascht, woascht du an nich finjen. Oba de deemootje woaren daut Launt oawen, un sikj to de groote Fräd freien” (Psalm 37:10-11).

 Lia noch mea äwa de biblische Hopninj un wuarom wie ons kjennen secha sennen, daut daut, waut wie vondoag dän Dach en de Welt seenen, een Bewies es, daut sikj de Profezeiungen ut de Schreft erfellen. Unjasieekj de Artikjels, waut hia unjen aunjejäft sent.

 “Eine echte Hoffnung für die Zukunft”

 “Waut es daut Tieekjen von ‘de latste Doag’ ooda daut Enj von de Welt?”

 “Steht in der Bibel, wie die Menschen heute denken und handeln würden?”