“Met daut Wada woat daut emma schlemma, un daut jeft de Menschen, de Stauten un de Natua väl Trubbels. Wäajen daut Wada sikj soo veendad, woaren de Storms noch stoakja, un dee venichten äwa de gaunze Welt de Menschen äa Hab un Goot un daut, met waut dee sikj äa Läwen moaken. Wäajen daut Mäa emma woama woat, es de Jefoa groot, daut välet, waut doa unja Wota läft, gaunz utstoawen woat” (Inger Andersen, eent von de Vewaulta von de Veeende Nazionen un Leida von daut Natua-Program von de Veeende Nazionen, 25. Juli 2023).

 Woaren de Rejierungen sikj kjennen toopstonen, om dise Trubbels äwa de gaunze Welt proowen to fiksen? Kjennen dee dee gaunz fiksen?

 De Bibel rät von eene Rejierunk, waut aul dän Schoden enne Natua fiksen kaun un woat. Daut sajcht, daut “Gott em Himmel een . . . Rikj oppstalen” woat, aulsoo eene Rejierunk, waut aule Trubbels äware gaunze Welt fiksen woat (Daniel 2:44, PB). Wan dee äwa de gaunze Welt rejieet, woaren de Menschen sikj nich unjarenaunda Schoden aundoonen un uk nich de Natua. “Doa woat kjeen Schoden ooda vedoawen” mea sennen (Jesaja 11:9, PB).