Nuscht brucken, waut von Tieren kjemt – Waut sajcht de Schreft doaräwa?
Aulawäajen oppe Welt intressieet väl Menschen daut, nuscht to brucken ooda to äten, waut von Tieren kjemt. Daut nant sikj “vegan” sennen.
“Vegan sennen haft doamet to doonen, woo eena denkjt un läft, un soone Menschen doonen aules, waut se kjennen toom väabieejen, daut Tieren nich Schoden lieden ooda jebrukt woaren fa Äten, Kjleedie un aundret” (The Vegan Society).
Soone Menschen doonen daut nich bloos, om no Tieren opptopaussen, oba eenje doonen daut wäajen äare Jesuntheit, wäajen de Natua ooda wäajen dee äaren Gloowen.
“Vegan sennen es nich bloos, waut eena at, oba doa es foaken uk met en, woo eena denkjt, waut eena fa rajcht talt un daut eena de Welt well vebätren” (Britannica Academic).
Es soo to läwen de Leesunk fa de Trubbels oppe Welt? Waut sajcht de Schreft doaräwa?
Woo denkjt ons Schepfa äwa de Menschen un de Tieren?
De Schreft jeft auntovestonen, daut fa Jehova Gott a de Menschen mea wieet sent aus de Tieren (1. Mose 1:27-28). Irjentwanea jeef Gott ons dan de Frieheit, Tieren toom äten to brucken (1. Mose 9:3). Oba hee well nich haben, daut de Tieren sellen schlajcht behaundelt woaren (Spricha 12:10).
No de Schreft no es daut eene perseenelje Entscheidunk, aus wie Fleesch äten ooda nich. b Onse Entscheidunk äwa Äten moakt ons nich to bätre Menschen en Gott siene Uagen (1. Korinta 8:8). Kjeena wudd sellen eenen aundren rechten wäajen daut, waut dee at (Reema 14:3).
De Wajch no eene bätre Tiet
Von de Schreft lia wie, daut wie de Trubbels enne Welt nich fiksen kjennen, wan wie ons Läwen uk sea endren. Väle von dise Trubbels komen von de Politikj, de Wirtschoft ooda Oneenichkjeit manke Menschen. Soone Trubbels kaun kjeen Mensch fiksen. De Schreft sajcht:
“Waut kromm es, kaun nich jlikj woaren” (Liera 1:15, PB).
Ons Schepfa woat dee Trubbels leesen. De Schreft beschrift met biltelje Sproak, waut hee woat doonen.
“Un ekj sach een nieen Himmel un eene niee Ieed, wiels de ieeschta Himmel un de ieeschte Ieed veschwungen, un doa es uk kjeen Mäa mea” (Openboarunk 21:1, PB).
Waut es de niea Himmel? Daut es Gott sien Kjennichrikj em Himmel, waut enne Städ menschelje Rejierungen, waut “de ieeschta Himmel” jenant woat, harschen woat. Sien Kjennichrikj woat met “de ieeschte Ieed” een Enj moaken – daut sent aul de schlajchte Menschen. Un dan woat daut äwa “eene niee Ieed” harschen, aulsoo dee Menschen, waut daut Kjennichrikj jehorchen wellen.
Mau dan, wan Gott sien Kjennichrikj äwa de Ieed harschen deit, woaren de Menschen daut lieren, gaunz en Fräd met de Tieren tooptoläwen un no de Natua opptopaussen (Jesaja 11:6-9).
a Jehova, ooda Jahwe, es Gott sien Nomen (Amos 9:6, JHF).
b De Schreft sajcht, daut wie sellen “wajch bliewen . . . von Bloot” (Aposteljeschicht 15:28-29, PB). Daut bediet, daut wie nich Bloot drinkjen sellen uk nich soon Fleesch äten, waut nich utjeblat es. Wie sellen uk nuscht äten, wua Bloot mank es.
Veleicht jleichst du uk dit
WICHTJE BIBLISCHE LIEREN
Wuarom haft Gott de Ieed jemoakt?
Opp dän Ieedbaul es väl schmocket to beoobachten. Dee es krakjt wiet auf jenuach von de Sonn, dee dreit krakjt bosich jenuach un steit opp de rajchte Städ. Wuarom haft Gott soo väl jedonen, daut de Ieed soo schmock sach?
BIBLISCHE LIEREN
Fang een Bibelstudium aun
Du kaust een Studium haben met dienen ieejnen Bibelliera un daut kost nuscht.
