BLIEFT WIEDA WAKA!
Wuarom kjennen de Menschen nich fa Fräd sorjen? – Waut de Schreft doaräwa sajcht
De Väaschte enne Welt un de Organisazionen, wua veschiedne Lenda toopschaufen, haben nich kunt fa Fräd sorjen. Von dän Tweeden Weltkjrich aun jeef daut nienich soo väl Kjrich aus nu. Rom tweedusent Millionen Menschen wonen opp soone Städen, wua Kjrich es. Daut es een Vieedel von aule Menschen oppe Welt.
Wuarom kjennen de Menschen nich en Fräd toopläwen? Waut sajcht de Schreft doaräwa?
Dreeatlei, wuarom de Menschen nich Fräd moaken kjennen
1. Soo aus de Menschen sikj oppstalen, es dee daut sea schwoa, bloos to proowen, Fräd to moaken. De Schreft säd fa onse Tiet verut, daut “de Menschen woaren sikj selfst leewen, daut Jelt leewen, met sikj puchen, huachnäsich sennen, . . . ontru sennen, . . . nich reed sennen, sikj to eenjen, . . . sikj nich selfst kontrollen, hunjsch sennen, . . . ieejenkoppich sennen, sea stolt sennen” (2. Timotäus 3:2-4).
2. De Menschen kjennen äare Trubbels ommäajlich selfst fiksen, aus dee daut nu auleen proowen ooda aus Grupp toop. Dee fält daut aun de Help von äaren Schepfa, Jehowa a Gott. De Schreft sajcht: “Dän Maun, dee doa wankt, jehieet daut nich mol, sienen Schrett to rechten” (Jeremia 10:23).
3. De Welt es unja de Kontroll von eenen majchtjen un beesen Harscha. Daut es Soton, de Beesa Fient, waut “de gaunze Welt veleit” (Openboarunk 12:9, PB). Soo lang aus “de gaunze Welt vom beesen beharscht woat”, woat doa emma Kjrich un Orru sennen (1. Johanes 5:19, PB).
Wäa kaun fa Fräd sorjen?
De Schreft vesprakjt ons, daut Gott Fräd brinjen woat, nich de Menschen.
“Ekj hab daut goot äwajedocht, sajcht de HAR, un waut ekj fa junt jeplont hab, es Fräd un Erfolch, un nich Schoden. Ekj well junt eene Tookunft un Hopninj jäwen” (Jeremia 29:11, PB).
Woo woat Gott dit Vespräakjen erfellen? “De Frädensgott woat dän Soton boolt toopkjnedren” (Reema 16:20, PB). Gott woat äwa de gaunze Welt Fräd brinjen, derch eene himlische Rejierunk, waut de Schreft “Gott sien Kjennichrikj” nant (Lukas 4:43). Jesus Christus es de Kjennich von dit Kjennichrikj un hee woat de Menschen lieren, woo dee en Fräd toopläwen kjennen (Jesaja 9:5-6).
Wan du west mea doaräwa weeten, läs dän Artikjel “Waut woat Gott sien Kjennichrikj aules doonen?”
a Jehowa, ooda Jahwe, es Gott sien Nomen (Amos 9:6, JHF).
Veleicht jleichst du uk dit
WICHTJE BIBLISCHE LIEREN
Waut es Gott sien Kjennichrikj?
Aus Jesus oppe Ieed wia, lieed hee aundre mea äwa Gott sien Kjennichrikj aus äwa aundret. Aul hundade Joaren haben siene Nofolja om dit Kjennichrikj jebät.
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.
