Daut Aundenkjen aun Jesus sienen Doot
Sinowent, dän 12. Aprell 2025
Een Mol daut Joa vesaumlen Jehowa siene Zeijen sikj, om aun Jesus sienen Doot to denkjen. Dit doo wie, wiels Jesus säd: “Doot dit emma wada, om aun mie to denkjen” (Lukas 22:19).
Wie loden die en, doa hantokomen.
Waut foaken jefroacht woat:
Woo lang dieet dit Toopkomen?
Daut woat ojjefäa eene Stund dieren.
Wua woat daut sennen?
Froag eent von Jehowa siene Zeijen, wua daut en diene Jäajent sennen woat.
Mott doa waut fäa betolt?
Nä.
Woat doa Jelt jekollakjt?
Nä.
Woo mott eena sikj auntrakjen?
Eena brukt nich uzhent Kjleeda doafäa haben, oba Jehowa siene Zeijen hoolen sikj aun biblische Gruntsauzen un trakjen sikj aunstendich un schmock aun (1. Timotäus 2:9). Daut brucken nich diere ooda grootsche Kjleeda sennen.
Waut woat bie daut Aundenkjen jedonen?
Daut Toopkomen fangt met een Leet un een Jebäd aun un hieet uk soo opp. Daut Jebäd woat von eent von Jehowa siene Zeijen jesajcht, waut doafäa aunjestalt es. Doa woat eene Räd jehoolen äwa woo wichtich Jesus sien Doot es un woo ons daut togood kjemt, waut Gott un Christus fa ons jedonen haben.
Du kaust noch mea en dän Artikjel läsen: “Wuarom fieren Jehowa siene Zeijen daut Owentmol aundasch aus aundre Gloowes?”
Wanea woat dit Aundenkjen noch jehoolen?
2025: Sinowent, dän 12. Aprell
2026: Donnadach, dän 2. Aprell
Veleicht jleichst du uk dit
AUNDENKJEN
Denkjt aun Jesus sienen Doot
Wie loden junt en, met ons toop aun Jesus sienen Doodesdach to denkjen. See, waut fa goodet Jesus sien Läwen un Doot fa jieda eenem brinjt.
WICHTJE BIBLISCHE LIEREN
Wuarom must Jesus stoawen?
Veleicht hast du mol jehieet, daut hee fa onse Sinden storf. Oba woo kaun eenen Mensch sien Läwen millionende Menschen togood komen?