Een Betel beseenen
Du kaust die wellich onse Offizen beseenen, waut wie jeweenlich Betels nanen. Bie eenje von onse Offizen jeft daut uk Utstalinjen.
Wada een Betel beseenen: Von dän 1. Juni 2023 aun woat eena sikj en veschiedne Lenda wada daut Betel beseenen kjennen. Wan du mea weeten west, dan kaust du wellich met daut Betel räden, waut du die wurscht wellen beseenen. Wan du eenen Test jemoakt hast un dee wees, daut du COVID-19 hast, ooda wan du die krank ooda vekjilt feelst ooda wan du met wäm toop wieescht, waut COVID-19 haud, dan kom toom Jefaulen nich toom die daut Betel beseenen.
Stäts
Sikj aunjäwen toom eene Offiz beseenen
Saul eena sikj aunjäwen, ea eena sikj eene Offiz beseenen well? Jo. Daut doa nich too väl opp eemol komen un daut aule daut goot utnutzen kjennen, es daut needich, daut aule, waut doa wellen kjikjen komen, sikj aul em verut aunjäwen, endoont woo väl daut sent.
Wan eena sikj nich aunjejäft haft, kaun eena sikj de Offizen doawäajen beseenen? Wan jie junt nich aunjejäft haben, dan kaun daut sennen, daut et nich schauft. Wäajen doa nich soo väl Rum es, rieekjt daut nich ut, daut doa too väl Menschen opp eemol kjennen kjikjen komen.
Wanea wudd eena sellen aunkomen? Wie roden junt too, nich lenja aus eene Stund ea to komen, aus jie junt aunjejäft haben, daut doa nich too väl opp eemol komen.
Woo kaust du die aunjäwen? Wan jie weinja aus 20 Menschen sent, dan drekj opp dän Knups “Jeff weinja aus 20 Menschen aun”. Wan jie mea sent, dan drekj opp dän Knups “Jeff 20 Menschen ooda mea aun”.
Kaun eena daut endren ooda aufbestalen, wan eena sikj eemol aunjejäft haft? Jo. Drekj opp dän Knups “See ooda enda daut, waut du aunjejäft hast”.
Waut, wan de Dotems aul nich frie sent, waut die jankad? Doo emma wada noseenen, wiels eenje doonen äa Dotem endren ooda aufbestalen.
Wua de Offiz es
Warwick
1 Kings Dr.
TUXEDO PARK, NY 10987
UNITED STATES
+1 845-524-3000
Besondret, waut en dise Offiz jedonen woat
Utstalinjen
De Bibel un Gott sien Nomen. Doa sent besondre Biblen to seenen un doa woat jewäsen, woo Gott sien Nomen en de Schreft bewoat bleef, wan doa uk väle vesochten, dän ruttolaschen. Doa woaren uk emma wada mol aundre Biblen jewäsen un aundre Sachen, waut met de Schreft to doonen haben.
Een Volkj fa Jehova sienen Nomen. En dise Utstalinj es de Jeschicht von Jehova siene Zeijen to seenen. Doa jeft et Sachen von ieeschtemma, Bilda un Läwesjeschichten, waut wiesen, woo Jehova emma wada siene Deena jeleit, jelieet un organisieet haft, om sienen Wellen to doonen.
De Hauptoffiz – Gloowen, waut sikj derch Woakjen wiest. Bie dise Utstalinj kaust du rutfinjen, waut de veschiedne Kommitees vom Väastaunt doonen un woo dee Jehova siene Zeijen halpen, de biblische Jebooten notokomen, daut dee sikj vesaumlen sellen un Jinja moaken un sikj em jeisteljen näaren un sikj unjarenaunda Leew wiesen.
Waut bie daut romfieren to seenen es
Doa kaun eena veschiednet von de Offizen un von aundre Jebieda seenen un uk dän Hoff von de Offiz en Warwick.
Patterson
100 Watchtower Dr. (2891 Route 22)
PATTERSON, NY 12563
UNITED STATES
+1 845-306-1000
Besondret, waut en dise Offiz jedonen woat
Doa woaren de Bilda jemoakt fa onse Bieekja un doa woat uk Audio un Video oppjeschnakt. Bie daut romfieren lieet eena uk väl von de Bibelschoolen, waut et hia jeft.
Wallkill
900 Red Mills Rd.
WALLKILL, NY 12589
UNITED STATES
+1 845-744-6000
Besondret, waut en dise Offiz jedonen woat
Hia woaren jieda Joa mea aus 25Millionen biblische Bieekja jedrekjt. Von hia woaren Bieekja un Tietschreften opp mea aus 360 Sproaken utjeschekjt no veschiedne Lenda un no mea aus 15 000 Vesaumlungen von Jehova siene Zeijen en de Stäts, Kanada un en de Karibik.