Sent Jehova siene Zeijen Christen?
Jo, wie sent Christen, un hia kaust du seenen, wuarom:
Wie vesieekjen soo goot aus wie kjennen, Jesus notodoonen un ons aun siene Lieren to hoolen (1. Petrus 2:21).
Wie jleewen, daut eena bloos derch Jesus kaun jerat woaren, “wiels ons Menschen es unja däm Himmel sest kjeen Nomen jejäft, derch dän wie kjennen seelich woaren” (Aposteljeschicht 4:12, De Plautdietsche Bibel).
Wäa eent von Jehova siene Zeijen woat, lat sikj en Jesus sienen Nomen deepen (Matäus 28:18-19).
Wie bäden en Jesus sienen Nomen (Johanes 15:16).
Wie jleewen, daut Jesus daut Haupt äwa aule Menschen es (1. Korinta 11:3).
En jewesse Stekjen sent wie oba aundasch aus aundre Jemeenten, waut sikj Christen nanen. Biejlikj jleew wie, daut Jesus Gott sien Sän es un nich een Poat von eene Dree-Eenichkjeit (Markus 12:29, Neue-Welt-Übersetzung; Matäus 16:16). Wie kjennen uk noanich en de Schreft finjen, daut de Seel onstoaflich es, daut Gott de Menschen eewich enne Hal kjwält ooda daut Gloowesleidasch wäajen äa Aumt sellen met besondre Nomes aunjerät (Liera 9:5; Hesekiel 18:4, Neue-Welt-Übersetzung; Matäus 23:8-10).
Veleicht jleichst du uk dit
WAUT FOAKEN JEFROACHT WOAT
Jleewen Jehova siene Zeijen aun Jesus?
Hia kaust du seenen, wuarom daut fa woare Christen wichtich es, aun Jesus to jleewen.
WAUT FOAKEN JEFROACHT WOAT
Wuarom brucken Jehova siene Zeijen nich daut Kjriez?
Wan wie uk Christen sent, bruck wie doawäajen nich daut Kjriez. Wuarom nich?
MEA ÄWA ONS
Wuarom loont sikj daut, de Bibel studieren?
De Bibel haft aul millionende Menschen jeholpen. Dee kaun die uk halpen!
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.