Von Jaunewoa bat Juli 2022 wort en Mexiko en fief niee Äwasatungsoffizen aunjefongen to schaufen. Aules toop sent daut dan nu 25 Äwasatungsoffizen en de Lenda, waut to daut Betel von Meddel-Amerika jehieren. De niee Äwasatungsoffizen sent fa de Sproaken Taraskaunisch (purépecha), Tsotsil, Zapotekisch (Istmo), Otomi (Mezquital-Schlucht) un Tschol. De Äwasata von dee Sproaken kjennen nu doa wonen, wua väl Menschen sent, waut krakjt äare Sproak räden. En de näakjste Moonaten woaren en de Jäajent von daut Betel von Meddel-Amerika noch 8 Äwasatungsoffizen reed sennen toom schaufen, un 34 Äwasatungsoffizen wellen dee noch buen.

Daut halpt de Äwasata sea, wan se en de Jäajent wonen, wua de Sproak jerät woat, waut see äwasaten. Sesta Marcela Hernández, een Äwasata fa Tsotsil, haud ea fa miere Joaren em Betel jeschauft. See sajcht: “Em Betel, wort ekj en, daut, waut ekj äwasaten deed, wia nich emma soo leicht to vestonen. Oba nu, daut wie hieren kjenn, woa de Breeda en de Vesaumlunk räden un prädjen, haft sikj daut jeendat. Nu es daut, waut ekj äwasaten doo, wada leichta to vestonen.”

De Äwasatungsoffizen sent foaken gaunz eefache Jebieda, sent rein un loten schmock. Foaken hoolen de Menschen opp, bie dise Jebieda, bloos toom dee beseenen un Bilda moaken. Äwa de Gauss von eene Äwasatungsoffiz, haft eene Fru eenen Stua. Aus see enwort, waut vonne Oabeit bie de Offiz jedonen woat, funk see aun, emma äa Stua rein to haben un dän Footstich uttofäajen. See säd: “Ekj sie äwa de Gauss von een Jebied, waut Gott jehieet.”

Daut es gaunz kloa to seenen, daut Jehova de schwoare Oabeit säajent, waut bie dise Äwasatungsoffizen jedonen woat. Wie sent sea dankboa, daut hee ons wieda en de Äwasatunk unjastetten deit (Psalm 127:1).